Prezıdent Qasym-Jomart Toqaev óziniń saılaýaldy baǵdarlamasyn iske asyrý boıynsha is-sharalardyń naqty josparyn qabyldady. Úkimet ózekti áleýmettik máselelerdi sheshý sharalaryn ázirledi. Premer-Mınıstrdiń birinshi orynbasary – qarjy mınıstri Á. Smaıylov pen Premer-Mınıstrdiń orynbasary J. Qasymbek baıandama jasady.
«Azamattardyń ál-aýqatyn arttyrý – Úkimet jumysynyń birinshi kezekti maqsaty», dep Asqar Mamın, barlyq memlekettik organdarǵa Prezıdenttiń saılaýaldy baǵdarlamasynyń is-qımyl josparynyń mindetterin sheshýge jaýapkershilikpen qaraýdy tapsyrdy. Is-qımyl josparyn ýaqytyly ári sapaly oryndaý azamattardyń ál-aýqatyn qamtamasyz etip, áleýmettik máselelerdi sheshýge múmkindik beredi.
Úkimettiń Jospardy oryndaý jónindegi jumysy saılaýaldy naýqanynyń qaǵıdalaryna jaýap beredi: sabaqtastyq, ádildik, órleý. «Sabaqtastyq» qaǵıdaty aıasynda Úkimet jumysy elimizdiń damýynyń jańa kezeńinde Elbasy baǵdaryn tıimdi jalǵastyrýǵa baǵyttalady, bul: 2050 jylǵa deıingi Strategııany, «100 naqty qadam» ult josparyn, Elbasynyń áleýmettik bastamalaryn oryndaý, sondaı-aq, qoǵamdyq kelisimdi qamtamasyz etý jáne jalpyulttyq birlik tetikterin nyǵaıtý.
«Ádildik» qaǵıdasy sot júıesin odan ári jetildirý, qoǵamdyq qaýipsizdikti arttyrý, barlyq deńgeıde jemqorlyqty túp-tamyrymen joıý arqyly qamtamasyz etiledi. Budan ózge, áleýmettik qamsyzdandyrýdyń tıimdi júıesi, halyqqa bilim berýdiń zamanaýı standarttary engiziledi, medısınalyq qyzmetterdiń sapasy men qoljetimdiligi artady, sapaly jumys oryndaryn qurý sharalary qabyldanady.
«О́rleý» qaǵıdaty aıasynda halyqtyń ál-aýqaty odan ári jaqsartylady, aýyldardy damytý, bıznesti qoldaý, ekologııalyq jaǵdaıdy jaqsartý, qarjy júıesiniń tıimdiligin arttyrý sharalary qamtamasyz etiledi. О́rleýdiń qozǵaýshy kúshine aınalýy tıisti, eldiń damýyndaǵy jastardyń rólin arttyrýǵa erekshe kóńil bólinedi.
«Biz, ásirese áleýmettik sıpattaǵy máselelerdi sheshýde belsendi pozısııany ustanýymyz kerek, dep A. Mamın, Memleket basshysy alǵa qoıǵan mindetterdi halyqpen birlese iske asyrýdy tapsyrdy. — Memlekettiń barlyq áleýmettik mindettemeleri múltiksiz jáne tolyq kólemde oryndalýy tıis».
Úkimet basshysy memlekettik organdarǵa sarapshylar qaýymdastyǵyn tarta otyryp, naqty nátıjege qol jetkizýge baǵyttalǵan naqty sharalar josparyn ázirleýdi tapsyrdy.