Nursultan Nazarbaev – halyqaralyq jaǵdaılardy tereńnen sezinetin tulǵa. Onyń partııa basshysynan jalpyulttyq lıder bolyp qalyptasýy 1990 jyldardyń basyndaǵy «daýyl men qysym» ýaqytynda ótti. Ol Qazaqstandy ishki saıası damýmen qatar, syrtqy saıasat damýynda da alǵa shyǵara aldy.
Keńestik ómir tájirıbesi men zamanaýı damýdyń bolashaǵy bar basymdyqtaryn jete sezine alý úılesimdiligi Nursultan Nazarbaevtyń biregeı saıası stılin aıshyqtaıdy. Nursultan Nazarbaevtyń keńestik kezeńen qalǵan tájirıbesi men ózekti máselelerdi sheshý kezindegi tapqyrlyǵyn erekshe atap óter edim. Vladımır Pýtın aıtqandaı, ol únemi jarqyn bolashaqqa umtylyp turady jáne janyna jas mamandardy ertip júredi. Bul – kóshbasshylyq qabilet.
Nursultan Nazarbaevtyń syrtqy saıasattaǵy bıik bedeli Qazaq elin búkil álemge tanytty. Álem halyqtaryn beıbitshilik pen birlikke úndeıtin jahandyq bastamalary óz nátıjesin kórsetti. Bul rette qazirgi halyqaralyq qatynastardyń negizgi faktorlaryna aınalǵan Azııadaǵy ózara is-qımyl jáne senim sharalary jónindegi keńes, Álemdik jáne dástúrli dinder kóshbasshylarynyń sezi, Táýelsiz Memleketter Dostastyǵy, Shanhaı yntymaqtastyq uıymy, Eýrazııalyq ekonomıkalyq odaqtyń qurylýy sııaqty syrtqy saıasattaǵy ıgi jumystardy aıryqsha atar edik. Qoǵamnyń turaqty damýyndaǵy, Qazaqstannyń ekonomıkalyq jáne áleýmettik saıası jańǵyrýyndaǵy Nursultan Nazarbaevtyń qyzmeti men bastamalarynyń jáne barsha álemde jahandyq qaýipsizdik pen senim ahýalyn jasaqtaýdaǵy kúsh-jigeriniń róli úlken mańyzǵa ıe.
Mıhaıl LIPKIN,
Reseı Ǵylym akademııasy
Jalpy tarıh ınstıtýtynyń dırektory, RǴA professory