Eki el arasyndaǵy shekara 7 500 shaqyrymnan asady. Bul álemdegi eń uzyn shekara. Qazirgi ýaqytta Qazaqstan-Reseı shekarasynda 51 ótkizý beketi bar. Olardyń 30-y avtokólik, 20-sy temirjol jáne taǵy bireýi ózen arqyly iske asyrylady. Sondaı-aq shekara mańyndaǵy turǵyndarǵa arnalǵan 86 ótkizý beketteri jumys isteıdi. Hattamamen kelisimniń 3-qosymshasynda kórsetilgen Shekara mańyndaǵy aýmaqtarda turatyn Qazaqstan men Reseı azamattarynyń shekarany kesip ótýi úshin jaramdy qujattar tizbesine ózgerister engizilip otyr.
«Qazaqstannyń ishki zańnamasynda azamattardy tirkeý kitabynyń kúshin joıýyna jáne mekenjaı anyqtamasynyń engizýine oraı atalǵan kelisimge tıisti ózgerister engizý qajettigi týyndady. Bul ózgerister 2018 jyly 9 qarashada Petropavlda 15-shi О́ńiraralyq yntymaqtastyq forýmynda qol qoıylǵan hattamamen engizildi. Qazirgi ýaqytta aýyldyq aýmaqtardyń barlyq ákimderinde ınternet jelisin qoldaný arqyly mekenjaı kýáligin beretin múmkindigi bar. Osyǵan baılanysty bul hattamany qabyldaý Qazaqstan-Reseı memlekettik shekarasynyń mańyndaǵy aýmaqtarynda turatyn Qazaqstan azamattarynyń ótý úderisin jeńildetýge jáne tártipke keltirýge múmkindik beredi», dedi Syrtqy ister mınıstri Beıbit Atamqulov.
Sonymen birge, Reseıdiń Syrtqy ister mınıstrliginiń 2019 jyly 12 sáýirde joldaǵan notasynda Reseı Federasııasy tarapy hattamanyń kúshine enýi úshin qajetti memleketishilik rásimder aıaqtalǵanyn habarlady.