«Qazaqkonsert» memlekettik konserttik uıymynyń solısi Erbolat Shaldybekov – elimizdegi tanymal dástúrli ánshilerdiń biri. Sondaı-aq ol Jetisýdyń ánshilik-jyrshylyq mektebiniń jarqyn ókili. Onyń oryndaýyndaǵy qulaq quryshyn qandyrar ánder ádemi áýezben, tereń maǵynaly sózdermen órnektelip, tyńdarman qaýymnyń erekshe yqylasyna bólengen.
Erbolat Shaldybekovtyń «Shyrqa, daýsym» konserti qazaqtyń áıgili kompozıtory K.Ázirbaevtyń 135 jyldyǵyna oraı ótpek. Konserttiń baǵdarlamasyna kópshilik súıip tyńdaıtyn halyq ánderi, sondaı-aq K.Ázirbaev, J.Jabaev, S.Aronuly, S.Moshanuly, T.Mombekov syndy belgili aqyn-kompozıtorlardyń týyndylary endi.
Konsertte Qazaqstan Respýblıkasynyń eńbek sińirgen qaıratkerleri Janǵalı Júzbaı, Ardaq Balajanova, «Astana sazy» folklorlyq ansambli men E.Shaldybekovtyń shákirtteri óner kórsetedi.
Erekshe konserttik baǵdarlama elordalyq kórermenderge tamasha tartý bolary anyq.