Memleket basshysy Qasym-Jomart Toqaevtyń atyna Arys qalasynda bolǵan qaıǵyly oqıǵaǵa baılanysty Túrkııa Respýblıkasynyń Prezıdenti Redjep Taııp Erdoǵannyń kóńil aıtý jedelhaty kelip tústi. Bul týraly Aqordanyń baspasóz qyzmeti xabarlady.
«Túrkistan oblysy Arys qalasyndaǵy áskerı bólimshedegi oq-dári qoımasynda bolǵan jarylys saldarynan adamdardyń zardap shekkenderi týraly aqparatty zor kúızelispen qabyldadym. Qazaqstan halqynyń aýyr qaıǵysyna ortaq ekenimizdi bildiremin. Túrik halqynyń jáne jeke ózimniń atymnan qymbatty baýyrym Sizge, baýyrlas qazaq halqyna, qaza bolǵandardyń jaqyndaryna qaıǵyryp kóńil aıtamyn», – delingen jedelhatta.
Túrkııa Prezıdenti zardap shekkenderdiń tezirek saýyǵyp ketýine tilektestik bildirdi.