Almaty oblysy, Aqsý aýdanynda oryn alǵan qaıǵy-qasiret elimizdegi barlyq azamattardyń jan-júregine qozǵaý saldy.
Qazaqstan halqy Assambleıasy tarapynan sý tasqynynan zardap shekken azamattarǵa materıaldyq kómek kórsetý uıymdastyrylyp otyr.
Elimizdegi barlyq respýblıkalyq jáne óńirlik etnomádenı birlestikter, oblystyq Dostyq úıleri jyly kıimder, azyq-túlik, dári-dármek, balalarǵa arnalǵan oqý quraldaryn jınap, oqıǵa oryn alǵan aýylǵa jetkizý jumystary júrgizilýde.
Qazaqstan halqy Assambleıasy jáne Almaty, Astana qalalyq, oblystyq assambleıa músheleri zardap shekken azamattarǵa arnalǵan arnaıy qorǵa bir kúndik jalaqylaryn aýdardy. Atalǵan qorǵa Parlament Májilisine Assambleıa atynan saılanǵan árbir depýtat 100 myń teńgeden qarjy aýdardy.
Qazaqstan halqy Assambleıasy tarapynan Almaty oblysynda oryn alǵan tótenshe jaǵdaıdan zardap shekken turǵyndarǵa kómek kórsetý jumystary jalǵasýda.
Qazaqstan halqy Assambleıasy.