Memleket basshysy Qasym-Jomart Toqaev Saýd Arabııasynyń Koroli Salman ben Ábdel Ázız Ál Saýdpen telefon arqyly sóılesti, dep habarlaıdy Aqordanyń baspasóz qyzmeti.
Áńgimelesý barysynda eki memleket basshylary jan-jaqty yntymaqtastyqty odan ári nyǵaıtý úshin daıyn ekenderin bildirdi.
Qasym-Jomart Toqaev Salman ben Ábdel Ázız Ál Saýdqa Qazaqstannyń OPEK+ kelisiminiń qoldanylý merzimin 2019 jyldyń aıaǵyna deıin uzartý jónindegi Saýdııanyń bastamasyn qoldaıtynyn málimdedi. Bul kelisim kómirsýtegin óndirýshi negizgi elderdegi munaı óndirý kólemin qysqartýdy kózdeıdi.
Sonymen qatar, taraptar joǵary saıası deńgeıdegi sapar almasý tájirıbesin jalǵastyrýǵa ýaǵdalasty.
Telefon arqyly sóılesýge Saýdııa jaǵy bastamashy boldy.