Baǵdarlamany bir ýaqytta radıodan tyńdap, teledıdardan kórýge bolady. «Qazaqstan» TRK» AQ Atyraý oblystyq fılıaly «Efirde 102.0 FM» dep atalatyn teleradıobaǵdarlamanyń alǵashqy sanyn efırge shyǵardy.
Baǵdarlamanyń alǵashqy qonaǵy bolǵan oblys ákimi Nurlan Noǵaev 80 jyldyq tarıhy bar oblystyq telearnanyń zaman talabyna saı jabdyqtalyp, kórermen kózaıymyna aınalyp otyrǵanyn atap ótti.
Jergilikti radıonyń taralý aýmaǵy buǵan deıin 3 shaqyrym ǵana bolǵan edi. Iske qosylǵan keńeıtilgen dıapazondy 1000 kılovattyq jańa radıotaratqyshtyń arqasynda atyraýlyqtar áýe tolqynyn jańa sapada tyńdaı alady. «Qazaqstan-Atyraý» telearnasynyń basshysy Qanat Áýesbaıdyń aıtýynsha, radıotolqyn endi 60 shaqyrymǵa deıin taralady. Munaıly aımaq turǵyndary 102.0 FM jıiliginde 17 saǵat boıy «Atyraý radiosy»-nyń habarlaryn tyńdaı alady.