Basqarma tarapynan 2019 jyldyń alǵashqy jarty jyldyǵynda ákimshilik jaýapqa tartylǵan 214 tulǵaǵa 62,7 mln teńge aıyppul salynǵan. Basqarma basshysy Shymkent qalasynyń sáýletine syn kelmes úshin kez kelgen qurylysty bastaý aldyn habarlama jiberýdi eskertti, dep jazady tilshimiz Aqmaral Moldııarqyzy.
«Shymkent - respýblıkalyq mańyzy bar iri megapolıs. Qala sáýletti, qurylys zańdy bolýy shart. Jyl basynan beri óz betimen qurylys júrgizgen jeke jáne zańdy tulǵalarǵa Basqarma tarapynan 9 qurylys nysanyna shara kórý týraly sotqa aryz joldandy. Sot sheshimimen búginde onyń 4-i buzyldy. Osyndaı keleńsizdik oryn almasyn dese, árbir jeke nemese zańdy tulǵa qurylys-montaj jumystarynyń bastalǵany týraly Basqarmaǵa habarlama jiberýi tıis», dedi Berik Tastanbekuly.
Jyl basynan beri Shymkent qalasynyń memlekettik sáýlet-qurylys baqylaý basqarmasyna qurylysty bastaǵany týraly 126 habarlama túsken. Onyń 108-i jekemenshik, 18-i bıýdjettik qurylys nysandary.