Sırek kezdesetin qustar ósirýmen aınalysatyn kásipker

Qazir onyń qus qora­synda álemde sırek ushy­rasatyn kepterdiń birneshe túri bar. «Árqaısysynyń q­uny bir qoıǵa teń», dep Vasılıı Starkovtyń qal­jyńdap qoıatyny bar. Dese de ázil astarynda shym­­shymdaı shyndyq jat­­qanyn ańǵarý qıyn emes. Máselen, kepterdiń «salpyqanat» dep atalatyn túri qarasań kóz toımaıtyn ádemi. Sonysyn sezetindeı ózin pań, mańǵaz ustaıtynyn qaıtersiń! Túr­li kórmelerge qatysyp, olja salypty. Bir maýsym­da bes-alty balapan basyp shyǵaryp, bir aptadaı sútpen qorektendiredi eken. Súti irimshik sekildi qoı­maljyń bolady. Bir táýiri, kepterlerdiń kútimi jeńil, azyq talǵamaıdy. Ká­sipkerdiń aıtýynsha, aǵza­synan sút bóletin qus­tar sanaýly ǵana.

Vasılıı dekoratıvti kó­gershinderden basqa bó­dene, sándik taýyq ta ósi­rý­men shu­ǵyldanady. Osydan bir­neshe jyl bu­ryn ońtústik jaq­tan eki taýys ákelip, bıyl al­ǵash ret jumyrtqa basyp, balapan órbitipti. Endi qyr­ǵaýyl ósir­mek oıy bar.

Tórtkúl dúnıede kóger­shinniń bir myńnan astam túri kezdesedi. О́kinishtisi sol, biz sııaqty egde tart­qan jandar bolmasa, asyl­tuqymdy qustardy ósirýge, kóbeıtýge jastar jaǵy qyzy­ǵýshylyq tanyta ber­meıdi. Qıynsyna ma, álde moıyndary jar bermeı me, bilmeımin. Meniń paıymymsha, qorshaǵan or­taǵa, tabıǵatqa degen jana­shyrlyq kózqaras ań-qus­tar­dy aıalaýdan, mápe­leý­den bastalady. Qaty­gez, tas­baýyrlyqtan jıren­dirip, baýyrmaldyqqa, me­ıi­ri­m­dilikke tárbıe­leıtin ózindik mek­tep ekenin uǵy­natyn mezgil jetti. Osy jaǵyna je­te mán berilse, quba-qup bolar edi deı­di keıipkerimiz má­se­leniń bir ushyǵyn shy­ǵaryp.

Soltústik Qazaqstan oblysy