Kez kelgen kásipker men ınvestor úshin qyzmet kórsetetin keńse ashyldy. Olar osy jerde óz jobalaryn usynyp, olardy talqylaı alady
«Investorlar úıiniń» ashylýyna oblys ákimi Bolat Baqaýov pen bıznes ókilderi qatysty.
Ashylý rásimi barysynda bılik pen bıznes arasyndaǵy ózara áriptestik qarym-qatynas jóninde 3 memorandýmǵa qol qoıyldy.
Al, eki jyly buryn bizdiń óńirden ketken «QazTransOıl» AQ tyń alyp ǵımaratyn «Samuryq qazyna» AQ pen kelisimge kelip, aqysyn 10 jylǵa bólip tóleıtindeı etip oblystyq ákimdik satyp alǵan kórinedi.
Investorlar úıinde ár ınvestor jobanyń tolyq súıemeldeýin, aımaqtaǵy shaǵyn jáne orta bıznesti damytýǵa qoldaý kórsetetin qarjylyq jáne konsaltıngtik mekemelerdiń barlyq qyzmetter keshenin paıdalana alady. Bir tereze qaǵıdaty boıynsha kásipkerlerge qyzmet kórsetý úshin úlken operasııalyq zal ornalastyrylǵan.
Jergilikti óndirýshiler ónimderinen kórme uıymdastyryldy. Qazirgi tańda Investorlar úıinde «QazAgroQarjy» AQ, «Aýyl sharýashylyǵyn qarjylaı qoldaý qory» AQ, «Atameken» Ulttyq kásipkerler palatasy, «Pavlodar» «leýmettik-kásipkerlik korporasııasy» AQ, «Damý» kásipkerlikti damytý qory, «Turǵyn úı qurylys jınaq banki» AQ ornalqan.
Sonymen qatar, qalanyń memlekettik organdary men mekemeleriniń banktik qyzmet salasyndaǵy uıymdardyń ókilderi men ózge de mekemeler qyzmet jasaýda.