Búgingi keshte biz dombyra tartpadyq. Kórermendermen birge Memleket basshysynyń qasynda otyryp, oryndaýshylardyń ónerin syrttaı tamashaladyq. Byltyr Dombyra kúnin alǵash toılaǵanda elimizdiń túkpir-túkpirinen barlyq kásibı dombyrashylar kelip, jappaı atsalysqan bolatynbyz. Tek elorda tóriniń ózinde 2000 dombyrashy bir mezette «Kóńilasharmen» kúıden shashý shashqanda shattanbaǵan qazaq qalmaǵan shyǵar. Ultymyzdyń rýhy kóterilgendeı bir jasap, serpilip qalyp edik sonda. Bıylǵy dombyra dýmanynyń ereksheligi de sol – osy joly tek kásibı dombyrashylar ǵana emes, áýesqoı oryndaýshylar da óner kórsetti. Sondyqtan da men úshin búgingi mereke tipti qyzyq boldy. Elbasymyzdyń sarabdal sheshiminiń arqasynda bekitilgen jalpyulttyq Dombyra dýmany – kúlli qazaqtyń rýhyn kóterip, birligin nyǵaıtatyn ulyq meıram desem, artyq aıtqandyq emes. Endeshe, rýhymyz asqaqtap, yntymaǵymyz jarasa bersin!
Aıgúl ÚLKENBAEVA,
Qazaqstannyń eńbek sińirgen ártisi, kúıshi