Alqaly basqosý belgili jazýshy-jýrnalıst, oblystyń qurmetti azamaty Jarasbaı Súleımenovtyń 70 jyldyq mereıtoıyna arnalyp, M. Qozybaev atyndaǵy Soltústik Qazaqstan memlekettik ýnıversıtetiniń rektory Serik О́mirbaev moderator boldy. Ol óz sózinde ekinshi dárejeli «Dostyq», «Qurmet ordenderiniń ıegeri, ondaǵan zertteý, shyǵarmashylyq kitaptar men jınaqtardyń avtory , búginde «Qyzyljar-Aqparat» JShS-ne jetekshilik etip, jemisti eńbek jolyn jalǵastyryp kele jatqan Jarasbaı Qabdollaulynyń ómir jolyna qysqasha toqtalyp ótti.
Konferensııada oblys ákiminiń orynbasary Rýslan Álishev aımaq basshysy Qumar Aqsaqalovtyń quttyqtaý hatyn oqyp berdi.
Parlament Májilisiniń depýtaty Káribaı Musyrman, qoǵam qaıratkeri Qýanysh Aıtahanov, «Juldyz» jýrnalynyń bas redaktory Ǵalym Jaılybaı, «Jeti jarǵy» jáne Qojabergen jyraý» halyqaralyq qaıyrymdylyq qorynyń tóraǵasy Beket Turǵarauly, «Qaharmandar» respýblıkalyq uıymynyń prezıdenti Sabyr Qasymov, ardager jazýshy-jýrnalıst, halyqaralyq «Alash» syılyǵynyń ıegeri Janat Elshibek, L. Gýmılev atyndaǵy Eýrazııa ulttyq ýnıversıtetiniń prorektory, akademık Dıqan Qamzabekuly, taǵy basqalary shyǵarmashylyq, zertteýshilik jáne qoǵamdyq qyzmetti qatar tizgindegen jany jomart jaısań jannyń ult rýhanııatyna qosqan ólsheýsiz úlesin joǵary baǵalady. Ásirese, maǵjantanýshy retinde Alashtyń aqıyq aqynynyń ómiri men shyǵarmashylyǵyna qatysty uzaq jyldar boıy kóz maıyn taýysyp, tirnektep jınaǵan tyń maǵlumattary, tabandy izdenisteri, salıqaly da salmaqty oı-pikirleri azamattyq bolmysyn ereksheleıtini atap kórsetildi. Biz Jákeńdi qalamy júırik jýrnalıst retinde ǵana emes, sonymen qatar halyqtyń sózin sóıleıtin, adaldyqtan taımaıtyn qaıratker, ultjandy kúresker retinde de jaqsy tanımyz, desti sheshender.
Respýblıkalyq «Egemen Qazaqstan» gazetiniń qyzmetkeri Jaqsybaı Samrat basshylyqtyń izgi lebizin, quttyqtaý tilegin jetkizdi.
Konferensııada «Áke joly», «Syrymdy saǵan aıtamyn» kitaptarynyń tusaýkeseri ótti.
Soltústik Qazaqstan oblysy