Dostyq úıiniń apa-ájeleri shashý shashyp, poezdan túsken bette kelgen balalar bir máz bolyp qaldy. Qalalyq bilim bóliminiń bastyǵy Natalııa Fesenko balalar Shyǵys Qazaqstan oblysy boıynsha úsh lagerde demalatyndyqtaryn aıtty. О́skemenniń Glýbokoe aýdanyndaǵy Úlbidegi «Daryn» lageri, Katon-qaraǵaıdaǵy demalys lageri jáne Semeıdegi «Qaraǵaıly» balalardy saýyqtyrý lagerlerleri balalardy qabyldaýǵa ázir.
- Shymkentten jol júrip keldik, - dedi balalardy Arystan arnaıy ákelgen top jetekshisi Farıza Týrymbetova, - bizdiń balalarǵa osynshama qamqorlyq jasap jatqan Abaı eline, Semeı halqyna rızamyz. Poezda barlyǵy jaıly, jaqsy keldi. Qıyn-qystaý sátte qamqorlyq tanytqandaryńyzǵa kóp rahmet!
Tárbıeshilerdiń aıtýynsha, balalar lagerde tynyǵyp, túrli sporttyq jarystarǵa, oıyndarǵa qatysady. Tegin demalyp, jaqsy kúsh-qýat jınamaq.
Raýshan NUǴMANBEKOVA,
«Egemen Qazaqstan»
sýretti túsirgen avtor