Partııa oblystyq fılıalynyń konferensııasynda Baýyrjan Baıbek Memleket basshysy Qasym-Jomart Toqaevtyń saılaýaldy tuǵyrnamasy qoǵam úshin biriktirýshi ról atqaryp, memlekettik apparatty sapaly ári tıimdi jumysqa jumyldyrý kerektigin sóz etti.
– Qazir partııa úshin eń mańyzdy másele – halyqtyń senimin arttyrý. Sondyqtan kún tártibindegi ózekti máselelerdi talqylaý isinde depýtattarmen qarym-qatynasty qaıta qarap, kúsheıtý kerek. Depýtattyq saýaldar halyqty alańdatqan asa ózekti máselelermen úndesip jatýy tıis. О́kinishke qaraı, qazir fraksııalardyń jergilikti jerdegi jumysy keıbir talaptarǵa saı emes, – dedi partııa Tóraǵasynyń birinshi orynbasary.
Sondaı-aq Baýyrjan Baıbek partııa Tóraǵasynyń tapsyrmasyna sáıkes Qoǵamdyq qabyldaý jumysyn jetildirýge, keri baılanysty kúsheıtýge jáne halyqtyń muń-muqtajyna baılanysty jedel áreket etýge erekshe kóńil bólý kerektigin aıtty. Ol úshin partııalyq baqylaýdy kúsheıtip, sol arqyly atqarýshy organdardyń jaýapkershiligin kóterý mindetteledi.
Budan basqa partııa halyqtan kelip-túsken árbir ótinishti jiti baqylaýǵa alyp, tikeleı jumys isteıdi. Sondyqtan partııa memlekettik organdardyń halyqtyń ótinishterine jaýap berip, máselelerdi oń sheshý jolyndaǵy jumystardy muqııat baqylaýǵa alýy tıis.
Osyǵan baılanysty Nur Otan partııasy Tóraǵasynyń birinshi orynbasary alǵashqy jartyjyldyqta partııanyń Oral qalalyq fılıalynda qala ákiminiń orynbasarlary birde-bir qabyldaý ótkizbegenin qatań synǵa aldy.
– Eger qalalar men eldi mekenderdiń ákimderi, olardyń orynbasarlary qoǵamdyq qabyldaý arqyly halyqpen kezdespese, partııalyq tártip máselesin kóterip, laýazymyna qatysty partııalyqtyń kodeksine sáıkes shara qoldanylady, – dedi ol.
Sonymen qatar Baýyrjan Baıbek partııanyń oblystyq fılıalyna kelip túsken ótinishter boıynsha áleýmettik nysandardy aralady. Qazaqstan Prezıdenti Qasym-Jomart Toqaev óziniń saılaýaldy tuǵyrnamasynda 2023 jylǵa deıin apatty jaǵdaıdaǵy jáne úsh aýysymda oqytatyn mektep máselesin tolyǵymen sheshýge ýáde bergen edi. Soǵan baılanysty partııa bul máseleni qatań baqylaýda ustaıdy.
Sonyń aıasynda Baýyrjan Baıbek Batys Qazaqstan oblysynyń ákimi Ǵalı Esqalıevpen birge 58 jyl buryn salynyp, búginde apatty jaǵdaıda turǵan №31 mekteptiń jaı-kúıimen tanysty. Búginde atalǵan mektepti súrip tastap, ornyna jańa bilim ordasyn salý týraly sheshim qabyldanǵan. Soǵan oraı balalar men muǵalimderdi ýaqytsha jaqyn jerdegi mektepterge ornalastyrmaq.
Sonymen birge partııa Tóraǵasynyń birinshi orynbasary baspanalary tozyǵy jetken apatty jaǵdaıdaǵy úılerdi súrý baǵdarlamasyna qatysatyn turǵyndarmen kezdesip, halyqtyń muń-muqtajyn tyńdady. Atalǵan baǵdarlamany júzege asyrý tek turǵyn úı talaptaryn jaqsartyp qana qoımaı, júzdegen otbasynyń áleýmettik ahýalyn jaqsartýǵa, qala ekonomıkasyna qosymsha ınvestısııa tartýǵa jáne jańa jumys oryndaryn ashý arqyly salyqtyń túsimin qamtamasyz etýge mol múmkindik beredi.
Aıta keteıik, Nur Otan partııasy Batys Qazaqstan oblystyq fılıalynyń kezekten tys XXV konferensııasynda aımaq basshysy Ǵalı Esqalıev partııanyń jergilikti aktıviniń qoldaýymen oblystyq fılıaldyń tóraǵasy bolyp saılandy.