Biraq, oblys ortalyǵy, Ekibastuz ben Aqsý qalalyq ákimdikteri qysqa qazirden daıyn bolý kerektigine asyǵar emes.
Qazir bekitilgen kestege sáıkes jylý júıelerinde kúrdeli jóndeý jumystary júrgizilýde.
Al, «Pavlodarenergo» AQ bas dırektory Oleg Perfılovtyń aıtýynsha, barlyq jóndeý jumystary «KEGOC» AQ-men kelisilip, kestege sáıkes júzege asyrylýda.
Oblys ortalyǵyndaǵy №2 jylý ortalyǵynda da 2-shi týrbınaǵa, №2 qazandyqqa zamanaýı tehnıkalyq jóndeý jasalýda.
№ 3 qazandyqta, №3- jylý ortalyǵyndaǵy jóndeý jumystary belgilengen merzim aıasynda aıaqtalady.
Biraq, Bas dırektor Turǵyn úı qoryn jylytý maýsymyna daıyndaý máselesine qatysýshylardyń nazaryn aýdardy. Onyń málimetterine sáıkes, Ekibastuz qalasynda úıler áli daıyndyq tólqujatyn almaǵan.
Sondaı-aq Oleg Perfılov «Saryarqa» shaǵyn aýdanynda trassany qaıta salýdy júrgizetin merdigerdiń óz mindetterin oryndamaı ketkenin aıtty.
Aıtylǵan eskertýlerdi merdiger áli kúnge deıin oryndamaǵan, bul qys kezinde keleńsizdik jaǵdaılarǵa ákelýi ábden múmkin.
Oblys ákiminiń birinshi orynbasary Ulan Jazylbek te jylytý maýsymyna aýdan, qala ákimderi tarapynan baqylaýdyń joqtyǵyn, qyska daıyndyq merzimi soltústik óńir úshin tym az qalǵanyn eskertýde.