«Myńbulaq» shaǵyn aýdanynyń turǵyny Laýra Azatbekova úı mańyndaǵy dúkennen ádettegideı nan alyp keledi. Túski as ishýge dastarqan basyna otyrǵan ol tandyr nandy týraǵan kezde arasynan shege shyǵady. Mundaı jaǵdaı bolady dep oılamaǵan turǵyn bul kórinisti dereý beınekameraǵa túsiredi. «Balalar úıde bolmaı qaldy. Áıtpese, olar nandy tistep jegende ne bolatyn edi?! Endi sanepıdqadaǵalaý mekemesi mundaı oqıǵalardy boldyrmaý úshin bárin qarap, tekserip shyqsyn», deıdi ol. Shynynda da as atasynyń ishinen shegeniń shyǵýy jaǵa ustatarlyq jaǵdaı. Elimizde mundaı óreskel jaǵdaı bir búgin emes, buryn da bolǵan.
Taraz qalasyndaǵy burynǵy kók bazar mańyndaǵy eski saraıǵa ornalasqan naýbaıhanada sanıtarlyq talaptar múlde saqtalmaǵan. Syrty kir ydysqa sý qaınatyp, qamyrdy jerde jatqan kirlenge ıleıdi eken. Al ashyǵan qamyrdyń ústine úı jaǵdaıynda jamylatyn kir kórpeni jaýyp qoıǵan. Tandyr nannyń osyndaı jaǵdaıda daıyndalǵanyna qaramastan, tandyr ıesiniń bul kásibi órge domalap tur. Jergilikti halyq kóbine tandyr nanǵa áýes.
Deı turǵanmen, jergilikti tıisti mekemeler kásipkerlerge tikeleı tekseris jumystaryn júrgizýge dármensiz. Nege deseńiz, kásipkerlikti qorǵaıtyn zań bar. Osyny paıdalanǵan keıbir kásipkerler eshqandaı jaýapkershiliksiz jumys istep otyr.
Jambyl oblysy