Qazirgi ýaqytta mGov mobıldik qosymshasynda 21 jańa qyzmet pen servıs qosylyp, kórsetiletin qyzmetterdiń jalpy sany 77-ge jetti.
«Bul qosymsha memlekettik qyzmetterdi alýdyń negizgi quralyna aınalýy tıis. mGov jańartylǵan mobıldi qosymshasynda HQKO-tarynyń asa tanymal qyzmetteri iske asyrylady. Sonymen qatar memlekettik qyzmetterdi alý úshin avtorızasııa jáne suraýǵa jazylý úshin Face ID paıdalaný múmkindigi qarastyrylatyn bolady», — dedi vıse-mınıstr.
2018 jylǵy jeltoqsannan bastap Nur-Sultan jáne Almaty qalalarynda (4 front-ofıste iske qosyldy) pılottyq joba iske qosyldy, onda azamattardyń bıometrııalyq derekteri (bet syzyqtary men saýsaq izi boıynsha taný) arqyly memlekettik qyzmetterdi alýǵa bolady, munda 15 myńnan asa qyzmet alýshylar tirkelgen, 3 400-den asa memlekettik qyzmet kórsetilgen.
Qyzmetter men servıster tizimin keńeıtý, sonyń ishinde Mobile ID arqyly qol qoıý boıynsha jumystar júrgizilýde.
Sondaı-aq A. Ospanov búgingi kúni Telegram-bot arqyly eń tanymal qyzmetter men servısterdiń 25 túri qoljetimdi ekenin habarlady. Bul mekenjaı anyqtamasy, jyljymaıtyn múliktiń joq (bar) ekendigi týraly anyqtama, psıho-, narko-, týberkýlezge qarsy dıspanserlerden anyqtama, kezekti onlaın-brondaý, dárigerdiń qabyldaýyna jazylý jáne t. b.
Telegram-bot - bul sanaýly mınýttarda qyzmet kórsetetin jáne nátıjesin alýshynyń chatyna jáne onyń elektrondyq poshtasyna jiberetin robot.400 myńǵa jýyq paıdalanýshy qazirdiń ózinde @EgovKzBot arqyly 600 myńnan astam memlekettik qyzmetti aldy. @EgovKzBot jáne bir rettik parol arqyly qyzmetter men servısterdiń sanyn kóbeıtý boıynsha jumys jalǵasýda. Qazir ótinimdi bir rettik parol arqyly rastaý 51 memlekettik qyzmet boıynsha qoljetimdi.