Elbasynyń “Jańa onjyldyq – jańa ekonomıkalyq órleý – Qazaqstannyń jańa múmkindikteri” atty kezekti Joldaýyn búkil halyqpen birge aǵa býyn ókilderi, aýyl aqsaqaldary men ardagerleri de qanaǵattanarlyq sezimmen qarsy aldy.
Qazaqstanda sońǵy onjyldyqta bolǵan oń ózgerister bizdi qýantsa, aldaǵy onjyldyqqa belgilengen damý belesi kóptiń kóńiline senim uıalatty.
Memleket basshysy aǵa býynǵa árqashan zor kóńil bólip keledi. Uly Otan soǵysyndaǵy Jeńistiń 65 jyldyǵyna oraı soǵys ardagerleriniń árqaısysyna 65000 teńgeden bir jolǵy kómek beriledi. Soǵysqa qatysýshylarǵa teńestirilgen tulǵalarǵa, soǵys ardagerleriniń zaıyptaryna, soǵysta qaza bolǵan maıdangerlerdiń jubaılaryna, soǵys múgedekteriniń qosaqtaryna, soǵys jyldarynda tylda eńbek etkenderge de materıaldyq kómek kórsetilmek. Bul – úlken qýantarlyq sheshim dep bilemiz.
Joldaýda aýyldaǵy aǵaıynnyń jaǵdaıy da umyt qalǵan joq. El Prezıdentiniń tapsyrmasy boıynsha barlyq zeınetaqy tólemderiniń mólsherin kúnkóris deńgeıiniń 60 paıyz deńgeıine kóterý mindeti qoıyldy. Memlekettik áleýmettik járdemaqylardyń mólsheri kóbeıe túsetin boldy. Bul qamqorlyǵy úshin Elbasyna úlken alǵysymyzdy bildiremiz.
Endigi mindet osy belesterdi eńserýge úlken-kishi demeı bárimiz bir kisideı atsalysýǵa tıispiz. Bul, ásirese, aǵa býyn ókilderiniń, qarttar men aýyl aqsaqaldarynyń aldyna úlken mindetter júkteıdi.
Sondyqtan Sozaq aýdanynyń ardagerleri Prezıdent Joldaýynyń iske asyrylýyna óz úlesterin qosatyn bolady.
A.MUSABEK, Sozaq aýdandyq ardagerler keńesiniń tóraǵasy. Ońtústik Qazaqstan oblysy.