Búgingi tańda Arys qalasynyń 1875 úıinde qalpyna keltirý jumystary aıaqtaldy.
QR Indýstrııa jáne ınfraqurylymdyq damý mınıstrliginiń derekterine sáıkes, qala shartty túrde bólingen 17 sektorda qazir 7324 jumysshy jumys isteıdi. Olar 4804 jeke turǵyn úı men kóp qabatty úılerdi salý jáne jóndeý jumystarymen aınalysyp jatyr.
Qurylysshylar termometr baǵanasy kúndiz Arysta 45 gradýstan tómen túspese de, shtattyq rejımde jumystaryn jalǵastyryp jatyr.
«Jumys kúni tańǵy altyǵa qaraı bastalady jáne saǵat 13.00-ge deıin jalǵasady. Sodan keıin saǵat 13.00-den 16.00-ge deıin qurylysshylarǵa úzilis jarııalaımyz. Adamdarǵa demalys beremiz, óıtkeni aptap ystyq kúnniń astynda júrý múmkin emes. Qurylysshylar saǵat tórt jarymdar shamasynan bastap keshke deıin jóndeý jumystaryn jalǵastyrýda. Basqalaı bolýy múmkin emes», — dedi QR ındýstrııa jáne ınfraqurylymdyq damý birinshi vıse-mınıstri Qaıyrbek О́skenbaev.
Esterińizge sala keteıik, QR IIDM vıse-mınıstri Arys qalasynda tótenshe jaǵdaıdyń alǵashqy kúnderinen beri jumys isteýde. Mınıstrlik mamandary qurylys barysyn qadaǵalaıdy. Qalany qalpyna keltirýge elimizdiń barlyq óńirleri men respýblıkalyq mańyzy bar qalalar qatysýda.