Onyń ishinde 50 derekte, quryqtalǵan tulǵalar esirtki saýdasymen aınalysqany málim boldy. Tártip saqshylary, ásirese sıntetıkalyq esirtki zattarynyń taralýyna toqtaý bolmaı turǵanyn aıtady. Máselen, aǵymdaǵy jyly zańsyz bıznesti kásip etken qylmystyq toptyń isi áshkerelendi. Anyqtalǵandaı, ustalǵandar saýdalaǵan ónimniń kirisin Qiwi ámııanǵa aýdartyp otyrǵan.
– Arnaıy operasııa Qazaqstan boıynsha júrgizildi. Qylmyskerlerdiń sybaılastary Shymkent, Almaty jáne Qaraǵandyda qolǵa tústi. Shuǵyl operasııa barysynda myńnan asa psıhobelsendi zattar, sondaı-aq taǵy 200 gramm mólsherinde qaýipti dári tárkilendi. Bıylǵy jartyjyldyqta astanada esirtkini saqtaý men paıdalanýǵa qatysty 209 fakti anyqtaldy. Demek, bul kún saıyn bir adamnyń qylmystyq jaýapkershilikke tartylatynyn bildiredi. Psıhobelsendi zattardy paıdalaný boıynsha 8 derek tirkelse, esirtkini saqtaý men ótkizýge baılanysty 136 is áshkerelendi, – deıdi Sergeı Ilıanyh.
Sol sekildi quqyq qorǵaýshylar ınternet resýrstaryn udaıy baqylaýda ustap otyrǵandaryn jetkizdi. Arnaıy monıtorıngtiń nátıjesinde 2018 jyldan bastap búginge deıin esirtki zattaryn jarnamalap ári onyń saýdasyn qyzdyrǵan saıttardyń jumysy toqtatylǵan eken.
– Byltyr qyrkúıek aıynan bastap osy ýaqytqa deıin 1200-den asa ınternet saıttyń esirtki bıznesimen aınalysqanyn anyqtadyq. Tıisti málimet Aqparat jáne qoǵamdyq damý mınıstrligine joldandy. Ǵalamtorda saıt ashý asa qıynǵa soqpaıdy. Buǵan qosa osyǵan qatysty alaıaqtyq áreketterdi de joqqa shyǵarmaımyz. Qylmysker esirtkige táýeldi azamattyń jaǵdaıyn paıdalanyp, aqshany ınternet-bankıngke aýdartqyzyp, klıentterin san soqtyrýy da múmkin, – deıdi qalalyq IID esirtki bıznesine qarsy kúres bóliminiń basshysy.
Dese de sarapshylar elde qaýipti zatqa baılanǵandardyń qarasy birtindep azaıǵanyn alǵa tartty. Narkolog dáriger Toqtar Qoıshybekov, qazir esirtkige táýeldi qazaqstandyqtardyń uzyn sany 20 myńnyń, al alkogoldi ishimdikten qutyla almaı júrgender 100 myńnyń aınalasynda ekenin atap ótti.