«Baqytty otbasy» baǵdarlamasy dep atalatyn jańa baǵdarlama 3 sanat boıynsha azamattardan qujat qabyldaıdy. 4 jáne odan kóp kámelettik jasqa tolmaǵan balalary bar kópbalaly otbasylar jáne kámelettik jasqa tolmaǵan balalary bar tolyq emes otbasy, otbasynda múmkindigi shekteýli balasy bar otbasylar baǵdarlamaǵa qatysa alady. Bul týraly búgin jýrnalıstermen ótken brıfıngte «Turǵyn úı qurylys jınaq banki» Qyzylorda oblystyq fılıalynyń dırektory Ádiljan Sáýlebaev málimdedi.
Aıtý kerek, baǵdarlamaǵa qatysý úshin otbasynyń ár múshesine keletin tabystyń mólsheri 42500 teńgeden aspaýy kerek. Máselen, eger otbasy 5 adamnan turatyn bolsa, onda onyń jalpy kirisi 212500 teńgeden artyq bolmaýy tıis. Iаǵnı, bul bıýdjettik járdemaqy emes, jumys ornynan beriletin qarajat bolýy shart.
Qujattar shildeniń 22-26-sy aralyǵynda qabyldanady. Eskeretini, páter quny 10 ml teńge bolǵan jaǵdaıda turǵyn úı qurylys jınaq júıesi aıasynda tólem mólsheri alǵashqy 8 jyl ishinde aldyn ala zaım boıynsha 52600 teńgeni qurasa, al qalǵan 11 jyl boıy turǵyn úı zaımy boıynsha 36 myń teńgeden tólenýi kerek.