«Aldaǵy 2019-2020 oqý jyldarynda 1-synypqa 21 600 oqýshy barady dep josparlanyp otyr. Bul ótken jylmen salystyrǵanda 2200 oqýshyǵa artyq. Jalpy, jańa oqý jylynda 293 mektepte 164 500 oqýshy bilim alady dep kútilýde. Ústimizdegi jyldyń 1 maýsymynan bastap 1-synypqa qabyldaý prosesi avtomattandyrylǵan júıege qosyldy. Qazirgi tańda 1-synypqa qabyldanatyn balalardyń móltek aýdandar boıynsha mektepterge ornalastyrý kartasy daıyn»,-dedi M.Meldebekova.
Búginde, Jańaqorǵan aýdanynda №169 jáne Jalaǵash aýdanynda №34 mekteptiń qurylysy júrgizilip jatyr. Qurylys jumystary 2020 jyly aıaqtalady. Qyzylorda qalasynda 600 oryndyq mektep salynýda, ony qazan aıynda tapsyrý josparlanǵan. Sonymen qatar, 1450 oryndyq 3 jekemenshik mektep salynyp jatyr.
Qyzylorda qalasynda memlekettik-jekemenshik áriptestik negizinde 320 orynǵa arnalǵan 1 jeke balabaqsha qyrkúıek aıyna deıin paıdalanýǵa beriledi.