«Maqsat – rekonstrýksııalaý jelisine qosylǵan Almaty turǵyndarynyń jaılylyq deńgeılerine esh nuqsan keltirmeý jáne oǵan qol jetýde. Qubyrlardy tartý barysynda ýaqytsha syzbalar arqyly tutynýshylarǵa sý mindetti túrde beriledi», dep atap ótti basqarma basshysy Áset Masabaev.
Ońtaıly ádis birden birneshe máseleni sheshýde. Qalalyqtardy tolyq jáne sapaly kommýnaldyq qyzmetpen qamtýmen qatar kommýnaldyq kásiporyndardyń tehnıkalyq jaǵdaıyn jaqsartýǵa jáne olardy tıisti deńgeıde ustap turý úshin qarjynyń bólinýine, kórsetilgen qyzmet úshin tólemderdiń der kezinde túsýine yqpal etetinin aıtty.
Jóndeý júrgizý múmkin emes ýaqytsha kommýnıkasııalary bar ári kóp shyǵyndalatyn obektiler esepke alynbaıdy. Mysaly, eger turǵyn úı jylý júıesi jóndelip jatqan jerden alshaq bolsa, onda ony ózge jelige qosý tehnıkalyq jaǵynan múmkin emes, al ýaqytsha qubyrdy ornatýǵa ketetin shyǵyn turaqty qoldanysta bolatyn jańa qubyr salýǵa jumsalatyn qarjymen birdeı, ıaǵnı ekonomıkalyq jaǵynan tıimsiz.
Aıta keterligi, sýyq sýmen jáne káriz júıesimen qamtýda mundaı problema múldem joq, jóndeý jumystary kezinde sý tutynýshyǵa úzdiksiz beriledi jáne ózge syzba boıynsha ajyratylady.
EjID basqarmasynyń basshysy rekonstrýksııa kezinde turǵyn úıler men áleýmettik nysandarǵa uzaq ýaqyt tıisti kommýnaldyq qyzmetterdiń kórsetilmeıtindigi týraly aqparatty joqqa shyǵardy.
«Qalada ystyq jáne sýyq sý men káriz jelileri uzaq ýaqytqa úzilgen emes. Tozyǵy jetken ınjenerlik jelilerde kenetten bolatyn apattar kezinde olar ajyratylyp, jóndeý jumystary jedel júrgiziledi. Qazirgi kezde zamanaýı tehnıkanyń kúshimen apatty joıý jáne jylýmen, sýmen qamtý ortasha 7 saǵattan 6 saǵatqa deıin qysqardy», dedi Á.Masabaev.
2014 jyldan eski jylý jelileri 2,2% tómendegen, 63,5% dan 61,3% qysqarǵan, al magıstraldy jylý júıelerindegi aqaýlar 37%-ǵa azaıǵan.
Almatyda sońǵy 5 jyl ishinde magıstraldy jylý jelileriniń 103,8 km astamy jóndelgen, olardyń 28,6 kılometri «Nurly jol» baǵdarlamasy boıynsha qaıta jóndeýden ótti.