Qazir «Qazteleradıo» AQ oblystyq fılıalynyń málimetinshe óńirdegi aýyldyq jerlerde otandyq 15, al qalalarda 27 telearna tegin kórsetip tur. Bul – «Sıfrly Qazaqstan» baǵdarlamasynyń múmkindigi.
Joba 2012 jyly bastaldy. Osy ýaqyt aralyǵynda oblys aýmaǵynda 29 radıotelevızııalyq stansa salynyp, jańǵyrtyldy.
Sóıtip, 385 aýyldyń 356-sy sıfrly efırlik habar taratý aımaǵyna endi.
Al, qalǵan 29 aýyldy «OTAU TV» ulttyq jerseriktik televızııasy qyzmetterine qosý jumystary júrgizildi. Nátıjesinde osy ýaqytqa deıin bul júıege 1630 abonent tirkeldi.
- Analogty habar taratý júıesinen sıfrlyqqa aýysý ereksheligi – beıne men dybystyń joǵary sapaly bolýy, ári mamandardyń barlyq fýnksııany onlaın-rejımde baqylaı alýynda,-deıdi mamandar.
Oblys turǵyndary jańa júıege qosylý nátıjesinde buǵan deıin analogtyq habar taratýda bolmaǵan «Qazsport», «Elarna», «KazakhTV», «Balapan» syndy arnalardan mazmundy baǵdarlamalar men jańalyqtardy, kórkem jáne derekti fılmderdi tegin kóre alady.
Fılıal basshysy Aıdar Alǵazınniń aıtýynsha, Sıfrly efır taratýǵa kóshý – ýaqyt talaby. Úkimet sıfrlyq habar taratýdy engizý-elimizdegi Údemeli ındýstrııalandyrý jobalarynyń biri dep atady.
Sıfrly tehnologııanyń kelýi-ekonomıkalyq jaǵynan óte tıimdi. Ári sıfrly habar taratýda teledıdardaǵy keskin aıqyn. Sondaı-aq arnalardyń dybystalýy da stereo júıesimen beriledi.
Eger qandaı da bir tehnıkalyq aqaýǵa baılanysty sıfrly habar taratýǵa qosylý múmkindigi bolmasa nemese ózge de saýaldar týyndasa, call-ortalyqqa, ıaǵnı 193 nómerine, sondaı-aq uıaly telefonnan 4343 nómirine habarlasýǵa bolady.
Analogty televızııany óshirip, sıfrly efırlik telehabar taratýǵa tolyqtaı kóshý elimzde bekitilgen kestege sáıkes júrgizilýde. Joba 2021 jyly aıaqtalmaq.