Kásipkerler palatasynyń uıytqy bolýymen jasalǵan «Jas kásipker» jobasyna 18 ben 29 jas aralyǵyndaǵy jas otbasy músheleri, turmysy tómen, kópbalaly otbasy balalary, múmkindigi shekteýli azamattar men jumyssyz jastar qatysa alady. Stýdentter jobanyń qatysýshysy bola almaıdy.
Jobaǵa qatysqysy kelgen azamattar jeke kýáliginiń kóshirmesi, meken-jaı anyqtamasy, ótinish jáne arnaıy formaǵa saı toltyrylǵan anketamen Kásipkerler palatasyna, palatanyń aýdandyq fılıaldaryna, jumyspen qamtý ortalyqtaryna nemese ózderi turatyn eldi mekenniń ákimdigine baryp tolyq aqparat ala alady.
Jobaǵa qatyspas buryn jastar aldyn ala testten ótedi. Jalpy 100 baldan eń kemi 55 ball jınaý qajet. Jobaǵa qatysýǵa múmkindik alǵan azamattar 3 aptalyq – 21 kúndik oqý kýrsyna qatysady. Jobaǵa qatysýshylarǵa sertıfıkat alǵannan keıin 19273 teńge bir rettik shákirtaqy tólenedi.
Joba barysynda jastardy arnaıy konkýrs arqyly anyqtalǵan bıznes-trenerler oqytatyn bolady. Oqý baǵdarlamasynda kásipkerlik negizderimen birge bilim alýshy bıznes-josparyn jasap shyǵady. Ári bolashaq kásippen aınalysýshylarǵa arnaıy psıhologtar da kómek kórsetetin bolady.
«Jas kásipker» jobasy aqysyz negizde, tegin oqytylady.
Jobasyn sátti qorǵaǵan jastardyń sertıfıkaty 2 jylǵa jaraıdy. Osy ýaqyt aralyǵynda jobaǵa qatysýshylar 6,5 jylǵa 6 paıyzben 8000 AEK (20 mln.200 myń) teńgege deıin memlekettik baǵdarlama aıasynda jeńildetilgen nesıe ala alady.
«Jas kásipker» jobasyna qatysýshylardyń jobasyn Kásipkerler palatasy bir jylǵa deıin súıemeldeıtin bolady.