2019 jylǵy 26 shildede «QazMunaıGaz» UK AQ Qazaqstan Respýblıkasynyń Energetıka mınıstrligi jáne «Enı S.p.A.» kompanııasy «Abaı» ýchaskesinde kómirsýtek shıkizatyn barlaý men óndirý týraly kelisimshartqa qol qoıdy.
Kelisimshart Kaspıı teńiziniń qazaqstandyq bóliginde ornalasqan «Abaı» teńiz ýchaskesinde kem degende bir barlaý uńǵymasyn burǵylaý jáne 3D seısmobarlaý jumystaryn júrgizýdi kózdeıdi.
Eske sala keteıik, ústimizdegi jylǵy shilde aıynyń basynda Tikeleı kelissózder hattamasyna qol qoıylǵan bolatyn. Soǵan sáıkes taraptar Qazaqstan paıdasyna qol qoıý bonýsyn tóleý (jer qoınaýyn paıdalanýshynyń kelisimshart jasalatyn aýmaqta jer qoınaýyn paıdalaný jónindegi qyzmetti júzege asyrý quqyǵy úshin birjolǵy tirkelgen tólem – QR Salyq kodeksi) jáne jer qoınaýyn paıdalanýshynyń jergilikti úlesti qamtý boıynsha mindettemeleri jóninde kelisti.
Bul joba qos kompanııanyń resýrstyq bazasyn keńeıtýde mańyzdy qadam bolyp tabylady.
Mańǵystaý oblysy