Juma, 7 maýsym 2013 1:47
Qazaqmys toby Vladımır Kımniń top prezıdenti laýazymyna kiriskeni týraly habarlaıdy. V.Kım myrza bul kompanııada 1995 jyldan beri jumys istep, birtalaı jetistikterge qol jetkizdi. Birneshe mys aktıvterinen quralǵan áýelgidegi Qazaqmysty óndiristik birlestik turpatynan Ortalyq Azııadaǵy asa iri tabıǵı resýrstardy óńdeýshi kompanııalardyń yqpaldasqan tobyna aınalýyna yqpal etti.
Juma, 7 maýsym 2013 1:47
Qazaqmys toby Vladımır Kımniń top prezıdenti laýazymyna kiriskeni týraly habarlaıdy. V.Kım myrza bul kompanııada 1995 jyldan beri jumys istep, birtalaı jetistikterge qol jetkizdi. Birneshe mys aktıvterinen quralǵan áýelgidegi Qazaqmysty óndiristik birlestik turpatynan Ortalyq Azııadaǵy asa iri tabıǵı resýrstardy óńdeýshi kompanııalardyń yqpaldasqan tobyna aınalýyna yqpal etti.
Qazaqmys 2005 jyly London qor bırjasynda lıstıngten oıdaǵydaı ótken soń, Vladımır Kım Qazaqstan tarıhynda alǵash ret halyqaralyq ashyq kompanııanyń Dırektorlar keńesi tóraǵasy tizginin qolyna ustady. Halyqaralyq deńgeıge shyǵý kompanııaǵa álemdegi alpaýyt mys óndirýshiler tiziminde turaqtaýyna, korporatıvtik basqarý men jarııaly eseptiliktiń sapasyn jaqsartýǵa, topqa kiretin aktıvterdiń tıimdiligin arttyrýǵa jáne óndiristi keńeıtý boıynsha iri jobalardy uzaq merzimdi qarjylandyrýǵa múmkindik týǵyzdy. Budan buryn habarlanǵanyndaı, aksıonerlerdiń jyl saıyn bolatyn jınalysynda, ıaǵnı bıyl ótken basqosýynda mynadaı mańyzdy jáıt jarııalandy. Dırektorlar keńesine 8 jyldaı jetekshilik etkennen keıin jáne de korporatıvtik basqarýdyń halyqaralyq standarttaryna sáıkes, Vladımır Kım ókilettigin táýelsiz dırektor Saımon Hılge ótkizip berdi. Biraq ol Dırektorlar keńesiniń múshesi bolyp qala beredi. Al Qazaqmys prezıdenti retinde kompanııadaǵy óziniń úlesterin esh ózgertpesten topty odan ári damytýǵa belsene atsalysady.
Qazirgi kezde Qazaqmys toby Ortalyq Azııa óńirinde jalpy somasy 6 mıllıard AQSh dollary bolatyn ınvestısııalyq baǵdarlamany júzege asyrý ústinde. Baǵdarlamanyń basym baǵyty – Qazaqstandaǵy Bozshakól jáne Aqtoǵaı mys ken oryndaryn keńinen ıgerý eken. Bul kenishter Qazaqmystyń óndiristik qýattylyǵyn eleýli túrde arttyryp, qadamyn qaryshtap bastyrady.
– О́tken 8 jyl ishinde biz aıtarlyqtaı alǵa ilgerilep, tikeleı – yqpaldasqan óndiristik holdıngti qalyptastyrýdy aıaqtadyq, aktıvterdi shoǵyrlandyryp, olardyń tıimdiligin edáýir kóterip, korporatıvtik basqarýdy jaqsarttyq, halyqaralyq qarjy rynogyna qatysýymyzdy nyǵaıttyq, sóıtip iri jobalarymyzdyń ósip-órkendeýine qolaıly qarjy quıýǵa qol jetkizdik. Atalǵan is-sharalar Qazaqmystyń barynsha qarqyndy damýyna jol ashady. Bizdiń aldymyzda sonymen birge qoldanystaǵy óndiristiń tıimdiligin kóterý jáne birqatar iri jobalardy atqarý sııaqty jaýapkershiligi mol jumystar tur. Kompanııany damytýdyń osyndaı mańyzdy kezeńine qatysýdy zor mártebe sanaımyn. Maqsatymyz aıqyn, al jetistikterge jetý úshin Dırektorlar keńesi bar kúsh-jigerin jumsaýǵa árdaıym ázir, – deıdi Qazaqmys tobynyń prezıdenti Vladımır Kım.
Marat AQQUL,
«Egemen Qazaqstan».