Almaty ákimi Baqytjan Saǵyntaev Almatydaǵy RF Bas konsýly Evgenıı Bobrovpen kezdesti.
Kezdesý barysynda B. Saǵyntaev Prezıdent Q. Toqaev bergen tapsyrmalarǵa sáıkes megapolısti damytýdyń basty baǵyttary týraly aıtty jáne taıaý arada turǵyndardyń pikirin eskere otyryp, qalany damytýdyń jańa strategııasy jasalatynyn atap ótti. Qujattyń basty prınsıpi - shetsiz qala, ortalyqtandyrý, megapolıstiń barlyq aýdandarynda ómir súrýdiń joǵary standarttaryn qalyptastyrý.
Almaty ákimi qala úshin reseılik áriptesterdiń qala keńistigin josparlaý men Máskeý, Sankt –Peterbýrg, basqa da iri mádenı- tarıhı ortalyqtardyń ýrbanıstıkasy boıynsha tájirıbeleriniń óte qundy ekenin atap ótti.
Taraptar ekonomıkalyq yntymaqtastyqty damytý perespektıvalaryn talqylady. Almatyda reseılik kapıtalmen saýda, qarjy, medısına, ónerkásip salalarynda 2679 kásiporyn jumys jasaıdy. О́tken jyly Almaty men Reseı arasyndaǵy taýar aınalymy 6,8% qurady.
B. Saǵyntaev ShOB damytý úshin ońdy sharalardyń júzege asqanyn jáne ákimshilik kedergilerdiń azaıǵanyn jetkizdi. Qalada kásipkerlerge qoldaý men qyzmet kórsetetin «Qoldaў» ortalyǵy jáne «Almaty» ÁQK janynan qurylǵan tolyq formatty «AlmatyInvest» ınvestısııalyq blok jumys jasaýda. Almaty Reseı bıznesimen tyǵyz baılanysta jumys jasaýǵa yntaly jáne ózara paıdaly jobalardy talqylaýǵa daıyn.
Kezdesý barysynda mádenı-gýmanıtarlyq yntymaqtastyqtyń joǵary deńgeıi atap ótildi. Belgili bolǵandaı, qazan aıynyń alǵashqy onkúndiginde Almatyda Máskeý kúnderin, al 4-6 qarashada Sankt-Peterbýrgtyń gýmanıtarlyq is- qımyl mıssııasyn ótkizý týraly kelisim jasalǵan bolatyn.
«Bul sharalardyń óńiraralyq yntymaqtastyqty damytýǵa qosymsha serpin beretinine senimdimin. Biz olardy uıymdastyrýǵa jan-jaqty qoldaý kórsetýge daıynbyz», -dep atap ótti qala ákimi.
ALMATY