Qyzmettik mindetterin atqarý kezinde qaza tapqan polısııa qyzmetkerlerine arnalǵan eskertkishtiń saltanatty ashylýy boldy. Bul týraly oblystyq Polısııa departamentiniń baspasóz qyzmeti habarlady.
Elimizde Táýelsizdik alǵan sátten bastap qyzmettik boryshyn oryndaý kezinde 2264 polıseı ajal qushqan, onyń ishinde 785 polıseı qylmyskerlerdiń qolynan qaza tapqan. Qostanaı oblysy boıynsha 42 tártip saqshysy qyzmette júrip kóz jumǵan, onyń 11-i qylmyskerdi quryqtaý kezinde erlikpen kóz jumdy. Bul eskertkish taqta sol marqumdardyń qurmeti úshin ornatylyp otyr.
Eskertkishtiń ashylý rásiminde jınalǵan jurt sertine berik bolǵan batyrlardy bir mınýt únsizdikpen eske aldy. «Er esimi – el esinde» degen osy, aldaǵy ýaqytta mundaı eskertkish taqta birqatar aýdanda paıda bolmaq.
«Biz óz qyzmetine adal bolǵan, el tynyshtyǵy úshin ómirin qıǵan áriptesterimizdiń arýaǵynyń aldynda bas ıemiz. Olardyń erligi – búgingi polıseılerge úlgi. Ishki ister organyna kelgen árbir jas osy taqta aldynda Otan úshin ant beredi» dedi oblystyq Polısııa departamenti bastyǵynyń orynbasary, polısııa polkovnıgi Ardaq Qabykenuly.
Is-shara sońynda aýdandyq tártip saqshylary tas belgige qurmet kórsetip, jınalǵan jurt gúl shoqtaryn qoıdy.
Qostanaı oblysy,
Fedorov aýdany