Qazaqstan ÁTK «Mańǵystaý» zymyran-artıllerııalyq korabliniń ekıpajy «Teńiz kýbogy-2019» halyqaralyq baıqaýy sheńberinde Kaspıı teńiziniń sý aıdynynda Ázerbaıjan ÁTK jaýyngerlik daıarlyq polıgondaryna shtýrmandyq tanystyrylym joryǵyna shyqty.
Áskerı teńizshiler kórsetilgen aýdanda baıqaý epızodtarynyń oryndalýyn eseptep, reıdtik jabdyqtyń ornatylýyn, navıgasııalyq qorshaýlardy tekserdi, oq atýǵa arnalǵan nysanalardy qarap shyqty. Korabl ekıpajy baıqaýdyń negizgi epızodtary boıynsha teńizdegi alǵashqy jattyǵýyn ótkizdi. «Teńiz kýbogy – 2019» - bul Armııalyq halyqaralyq oıyndary baǵdarlamasy baıqaýlarynyń biri bolyp tabylady. Saıys Ázerbaıjan ÁTK «Pýta» áskerı-teńiz bazasynda tamyzdyń 5-i men 15-i aralyǵynda ótedi. Áskerı teńizshilerge teńiz jáne áýe mejelerin joıa otyryp, oq atýda ózderiniń sheberlikteri men dáldikterin pash etýge týra keledi. Korabldi zákirge jáne arqanǵa baılanatyn bóshkege qoıý, teńizshilerdiń qutqarý daıyndyǵy, sondaı-aq korabldiń jandylyǵy úshin kúresý jekelegen kezeń bolmaq. Saıysqa barlyǵy tórt eldiń, ıaǵnı, Ázerbaıjan Respýblıkasy, Iran Islam Respýblıkasy, Qazaqstan Respýblıkasy jáne Reseı Federasııasynyń komandalary qatysady.