Qazaqstanda 2026-2027 oqý jylyna arnalǵan birinshi synypqa qujat qabyldaý naýqanynyń merzimi aıqyndaldy. Oqý-aǵartý mınıstrligi qabyldaý úderisin kezeń-kezeńimen uıymdastyrý kestesin bekitti. Qujat qabyldaý 2026 jylǵy 27 mamyr men 31 tamyz aralyǵynda júrgiziledi, dep habarlaıdy Egemen.kz.
Mınıstrlik bul tásil aqparattyq júıelerge túsetin júktemeni azaıtyp, ata-analarǵa ótinish berý úderisin barynsha qolaıly uıymdastyrýǵa múmkindik beretinin atap ótti.
Qujattardy elektrondyq úkimet portalynda tirkelý arqyly OQU platformasy arqyly onlaın tapsyrýǵa bolady. Sondaı-aq ata-analar bilim berý uıymdaryna tikeleı baryp, qujat ótkize alady.
UBT-2026 jáne 1 synypqa qabyldaý: 1 mamyrdan bastap Qazaqstanda ne ózgeredi?
О́ńirler boıynsha qabyldaý merzimi tómendegideı bólingen:
27 mamyr – 31 tamyz: Astana qalasy, Abaı, Jetisý, Qyzylorda jáne Batys Qazaqstan oblystary.
10 maýsym – 31 tamyz: Almaty qalasy, Aqmola, Aqtóbe, Jambyl jáne Shyǵys Qazaqstan oblystary.
18 maýsym – 31 tamyz: Shymkent qalasy, Almaty, Qostanaı, Pavlodar jáne Atyraý oblystary.
29 maýsym – 31 tamyz: Túrkistan, Mańǵystaý, Qaraǵandy, Soltústik Qazaqstan jáne Ulytaý oblystary.
Buǵan deıin 1-synypqa qabyldaý boıynsha qanatqaqty joba iske qosylǵany týraly habarlaǵanbyz.