Tehas shtatynyń gýbernatory Greg Ebbott El-Paso qalasyndaǵy saýda ortalyǵynda oq jaýdyrǵan er adamnyń ustalýy jaıly aıtyp berdi, dep habarlaıdy Egemen.kz RIA Novostı agenttigine silteme jasap.
Tehas shtatynyń gýbernatory Greg Ebbott El-Paso qalasyndaǵy saýda ortalyǵynda oq jaýdyrǵan er adamnyń ustalýy jaıly aıtyp berdi, - dep habarlaıdy Tengrinews.kz tilshisi RIA Novostı agenttigine silteme jasap. Ebbotttyń aıtýynsha, saýda ortalyǵyndaǵy atys týraly aqparat jeksenbi kúni jergilikti ýaqyt boıynsha 10.39-da (Nur-sultan ýaqyty boıynsha 21.39-da) túsken. Polıseıler oqıǵa ornyna alty mınýttan keıin kelgen. 11.06-da (Nur-sultan ýaqytymen 22.06-da) kúdikti ustaldy. Jalpy operasııa 21 mınýtqa sozyldy.
Er adam tártip saqshylaryna ózi berilgen.
Buǵan deıin Tehastyń batysyndaǵy El-Paso qalasynyń Walmart saýda ortalyǵynda atys saldarynan 20 adam qaza tapqany málim bolǵan. Qarý ustaǵan adam 21 jastaǵy Patrık Krýzıos bolyp shyqty. Saýda ortalyǵynda oq atpas buryn ol óziniń Twitter-degi paraqshasynda naýryzdyń ortasynda bolǵan Jańa Zelandııadaǵy meshitterde bolǵan lańkestik áreketti qoldap, manıfest jarııalaǵan. Bul qaıǵyly oqıǵa 50 adamnyń ómirin qıǵan edi.