Ánshi Dımash Qudaıbergen qytaılyq «Go, Go Squid» serıalynyń saýndtregine arnalǵan beınebaıandy tanystyrdy, dep habarlaıdy QazAqparat tilshisi.
«Jýyqta meniń qytaılyq TV-serıalǵa arnalǵan saýndtregim shyqty. Sizderdiń kóńilderińizden shyǵar degen úmittemin», - dep jazdy ánshi Instagram paraqshasynda. Budan buryn jelide Couldn't Leave (Kete almaımyn) saýndtreginiń relızi jarııalanǵan bolatyn. Tanystyrylym 17 shildede túnde boldy. Osydan keıin kóp ótpeı ánniń ózi de ánshiniń fan klýbynyń paraqshasynda jáne «VKontakte» álemjelisinde jarııalandy.