QR Premer-Mınıstriniń birinshi orynbasary – qarjy mınıstri Álıhan Smaıylov Sholpan-Ata qalasynda (Qyrǵyzstan) ótken Eýrazııalyq ekonomıkalyq komıssııa keńesiniń kezekti otyrysyna qatysty. Bul týraly primeminister.kz habarlady.
EEK Keńesiniń músheleri ıntegrasııa, saýda, halyqaralyq yntymaqtastyq, kedendik jáne tehnıkalyq retteý, ónerkásip, qarjy saıasaty, memlekettik satyp alýdy júzege asyrý, Eýrazııalyq ekonomıkalyq odaq (EEO) elderiniń ekonomıkalaryn sıfrlandyrý, ónerkásiptik yntymaqtastyq jáne basqa da birqatar salalardaǵy máselelerdi qarastyrdy.
EAEO múshe-memleketter arasyndaǵy ózara saýdadaǵy kedergilerdi joıý boıynsha júrgizilip jatqan jumystar týraly aqparat tyńdaldy. Kedergilerdi odan ári qysqartý boıynsha jumysty jalǵastyrý tapsyryldy.
«О́nerkásiptik jabdyqtarǵa tehnıkalyq qyzmet kórsetý jáne jóndeý tehnologııalary» jańa Eýrazııalyq tehnologııalyq platformasy bekitildi. Osy platformanyń maqsaty múshe memleketterdiń qarjylyq jáne ákimshilik resýrstaryn shoǵyrlandyrý esebinen EAEO múshe memleketterdiń ónerkásiptik jabdyqtaryn jóndeý salasynda jumys isteıtin qoǵamdastyqtardyń, múshe memleketterdiń jóndeý tehnologııalarynyń ınnovasııalyq damýyn qarqyndatýǵa baǵyttalǵan kásiporyndardyń shyǵarmashylyq, tehnıkalyq jáne qarjylyq múmkindikterin kóbeıtý bolyp tabylady.
EEK Keńesiniń músheleri, sondaı-aq, EAEO kedendik aýmaǵynda taýarlardy tańbalaýdy engizýdiń jekelegen máselelerin, sondaı-aq ony iske asyrýdyń tehnıkalyq aspektilerin qarastyrdy.
EEK Keńesiniń otyrysy aıasynda Eýrazııalyq ekonomıkalyq odaqqa múshe memleketterdiń 2019–2020 jyldarǵa arnalǵan makroekonomıkalyq saıasatynyń negizgi baǵdarlaryn iske asyrý boıynsha is-sharalar tizbesi bekitildi.