Kóne shahardyń kórikti jerlerin tamashalady

«Týǵan elge saıahat» atty jobaǵa Reseı, Qytaı, Moń­ǵolııa, Qyrǵyzstan mem­leketterinen kelgen qandastarymyz ben eli­mizdiń árbir aımaǵynan ba­lalar qatysty. Taraz topyraǵyna kelgen eks­kýr­sııalyq týr eki júz­den astam oqýshydan qu­ralǵan. Atalǵan top «Kóne Taraz» kesheninde uıym­dastyrylǵan is-sharaǵa belsene qatysyp, «Kóne Taraz» ashyq aspan as­tyndaǵy saıabaǵynda Ta­­­­raz topyraǵynan ta­byl­­­ǵan qundy da tarı­hı já­di­gerlerden qural­ǵan «Kó­neniń kózi – Taraz­dyń­ ózi» atty arheo­lo­gııa­lyq kórmeni tamashalady. Sony­men qatar, jetkinshek týrıster «Qa­zaq­tyń ulttyq taǵamy» at­ty balalarǵa ar­nal­ǵan das­tarqannan dám tat­ty.

Jalpy, jas týrıs­ter úshin kóne shahardyń kórikti jerlerine saıahat qyzyqty ótti. Saıahat ba­rysynda balalarǵa «Ejelgi Taraz – kópester qa­lasy» atty taqyrypta vıktorınalyq suraqtar qoıylyp, durys jaýap bergen oqýshylar men tárbıeshilerge túr­li kádesyılar men atal­ǵan qoryq-mýzeıdiń bas­­pa ónimderi tabys etil­di. Budan keıin balalar Taraz qalasynda orna­lasqan Qarahan kesenesi men «Tórtkúl» kerýen-saraı keshenimen tanysty. Ekskýrsııa barysynda keıbir oqýshylar kóne shaharǵa alǵash ret kelip turǵanyn aıtyp, alǵan áserlerimen de bó­listi. Máselen, Gákký Ta­ńat esimdi oqýshy eki myń jyldyq tarıhy bar Taraz topyraǵyna tuń­ǵysh ret kelipti. Buryn tek kóne shahar týraly kitap­tardan oqyp, teledıdardan kórgenin aıtqan jetkinshek keleshekte de Taraz qalasyna ata-anasymen jáne týystarymen saıahattap kelgisi keletinin aıtty.

Jambyl oblysy