Kásipqoı bokstyń asa aýyr salmaqtaǵy WBA Super, WBO, IBF, IBO tujyrymy boıynsha álem chempıony meksıkalyq kishi Endı Rýıs eks-chempıon brıtanııalyq Entonı Djoshýamen qarymta kezdesý ótkizýge kelisti.
Qos boksshy arasyndaǵy jekpe-jek osy jyldyń 7 jeltoqsanynda Saýd Arabııasynyń Ed-Dırııa qalasynda ótetin bolyp bekitildi. Bul týraly Djoshýanyń Matchroom promoýterlik kompanııasy málimdedi. Aldyn ala boljam boıynsha, kishi Endı Rýıs qarymta jekpe-jek úshin 9 mıllıon AQSh dollary kóleminde syıaqy alady. Al Djoshýanyń gonorary 30 mıllıon dep belgilengen.
Aıta keteıik, eki boksshy arasyndaǵy alǵashqy aıqas 1 shilde kúni AQSh-tyń Madison Square Garden sport kesheninde ótip, Endı Rýıs brıtanııalyq boksshyny tehnıkalyq nokaýtpen jeńgen edi. Bul Djoshýanyń karerasyndaǵy tuńǵysh jeńilis bolatyn.