Bul týraly Úkimettiń baspasóz qyzmeti habarlady.
QR Premer-Mınıstri Asqar Mamınniń tóraǵalyǵymen ótken QR Úkimetiniń otyrysynda 2019 jylǵy qańtar–shildedegi QR áleýmettik-ekonomıkalyq damý qorytyndysy jáne respýblıkalyq bıýdjettiń oryndalýy qaraldy, sondaı-aq jańa oqý jylynyń bastalýyna daıyndyq máseleleri talqylandy.
Otyrystyń kún tártibindegi birinshi másele boıynsha ulttyq ekonomıka mınıstri R. Dálenov, ındýstrııa jáne ınfraqurylymdyq damý mınıstri R. Sklıar, QR Ulttyq bankiniń tóraǵasy E. Dosaev, birinshi qarjy vıse-mınıstri B. Sholpanqulov baıandady.
О́ńirlerdiń áleýmettik-ekonomıkalyq damý qorytyndylary boıynsha Almaty oblysynyń ákimi A. Batalov, Jambyl oblysynyń ákimi A. Myrzahmetov, Soltústik Qazaqstan oblysynyń ákimi Q. Aqsaqalov tyńdaldy.
QR Premer-Mınıstri 2019 jylǵy 15 shildedegi Úkimettiń keńeıtilgen otyrysynda Memleket basshysy Q. K. Toqaev alǵa qoıǵan mindetter aıasynda Úkimettiń negizgi basymdyqtary — halyqtyń turmys sapasyn jaqsartý, tabysyn arttyrý, jańa jumys oryndaryn ashý, ınvestısııalyq ahýaldy jaqsartý ekenin atap ótti.
«QR Úkimetiniń keńeıtilgen otyrysynyń qorytyndysy boıynsha bekitilgen naqty sharalar jospary bizdiń ekonomıkamyzdyń odan ári damýyna oń yqpalyn tıgizetin bolady», — dedi A. Mamın.
Osy jyldyń qańtar-shilde aılarynda JIО́ ósimi ótken jyldyń tıisti kezeńine shaqqanda 4,2% qurady. Oń ósim qurylysta 11,5%-dy, saýdada 7,5%-dy, kólik salasynda 5,4%-dy, óńdeý sektorynda, onyń ishinde mashın ajasaýda 17,7%-dy, jeńil ónerkásipte 14,3%-dy, tústi metaldar alýda 17,2%-dy, munaı óńdeýde 5,1%-dy qurady.
Sonymen qatar, salalyq mınıstrlikter kómir, shıki munaı óndirý, hımııa ónerkásibi jáne qara metallýrgııa salasyndaǵy josparlanǵan kórsetkishterge jetý boıynsha sharalardy kúsheıtýi kerek.
«7 aıdyń qorytyndysy boıynsha negizgi bazalyq kórsetkishter boıynsha Atyraý, Qaraǵandy, Qostanaı, Qyzylorda, Túrkistan jáne Shyǵys Qazaqstan oblystarynda ekonomıkalyq ósimge qol jetkizildi», — dep A. Mamın, «ákimder men memlekettik organdardyń, óńirlerdiń basshylary sońǵy nátıjege qol jetkizýge jáne bıýdjet qarajatyn josparly ıgerýge derbes jaýap beretinin» atap ótti.
«Elbasy bastamalary men Memleket basshysynyń qazaqstandyqtardyń ál-aýqatyn jaqsartý jónindegi tapsyrmalaryn ýaqytyly jáne sapaly oryndaý úshin ınvestısııalardy belsendi tartýdy, ónimdi jumys oryndaryn qurýdy, ekonomıkany ártaraptandyrýdy, ónimdilikti arttyrýdy, eksportty ilgeriletýdi, tehnologııalar men ınnovasııalar transfertin jalǵastyrý qajet», — dedi QR Premer-Mınıstri.
Jańa oqý jylynyń bastalýyna daıyndyq týraly QR bilim jáne ǵylym mınıstri A. Aımaǵambetovtyń, sondaı-aq Túrkistan oblysynyń ákimi О́.Shókeev pn Nur-Sultan qalasynyń ákimi A. Kólginovtyń baıandamalary tyńdaldy.
Búgingi tańda mektepterdiń jańa oqý jylyna daıyndyǵy 85%-dy quraıtynyn aıta kele, Úkimet basshysy barlyq bilim berý nysandaryn 1 qyrkúıekke deıin 100%-ǵa daıyndaý qajettigin aıtty. Arys qalasyndaǵy mektepterdiń oqý jylyna daıyndyǵyna erekshe nazar aýdarý tapsyryldy.
QR Premer-Mınıstri oqýlyqtarmen qamtamasyz etý, balalardy tasymaldaý jáne mektep oqýshylaryna ystyq tamaq berýdi uıymdastyrý máselesine basa nazar aýdara otyryp, «osy jyldyń 15 shildesinde ótken QR Úkimetiniń keńeıtilgen otyrysynda Memleket basshysynyń bilim berý uıymdarynyń materıaldyq-tehnıkalyq bazasyn nyǵaıtý turǵysynan, onyń ishinde kompıýterlendirý, mektep prosesterin sıfrlandyrý máseleleri boıynsha bergen tapsyrmalaryn oryndaýdy kúsheıtý qajettigin» aıtty.