OpenAlmaty portalynda «Bıýdjetke qatysý» pılottyq jobasy boıynsha ótinishterdi qabyldaý bastalady

2019-2020 jyldarǵa arnalǵan «Bıýdjetke qatysý» pılottyq jobasy aıasynda aýlalardy abattandyryp, saıabaqtar men skverlerdi qurýǵa, sport alańdaryn jasap, kóshelerge jaryq ornatýǵa, budan ózge qalalyq ortany jaqsartyp, megapolıs turǵyndarynyń ómir súrý ortasyn jaqsartý sııaqty ıdeıalardy bıýdjet qarajaty esebinen júzege asyrýǵa bolady. 

Jobaǵa sáıkes Almatynyń segiz aýdanyna qala bıýdjetinen 500 mln. teńge bólý qarastyrylǵan. Qalalyq ákimdiktiń OpenAlmaty budget.open-almaty.kz qoǵamdyq qabyldaý portaly arqyly qala turǵyndary ashyq túrde ózderiniń usynystary men jobalaryn engizýge múmkindikteri bar.

Úzdikterdi qala turǵyndardyń ózderi daýys berý arqyly anyqtaıdy. Sonymen qatar qalalyq Qoǵamdyq keńesiniń músheleri, sarapshylar, máslıhat depýtattary, ÚEU ókilderi de jobaǵa óz baǵasyn beredi.

Jobaǵa usynysylǵan ótinishter tómendegi krıterıılerge saı bolýy tıis:

bir avtor - bir ótinim - bir nysan;

nysannyń ıgiligi jalpyǵa ortaq bolý;

nysannyń iske asyrý josparlanyp otyrǵan aýdan aýmaǵynda bolýy, jalpy paıdalanýdaǵy jer ýchaskesinde jáne t.b. ornalasýy tıis.

Jobaǵa usynystardy berý tártibi men irikteý krıterııleri, saraptaý komıssııalarynyń fýnksııalary týraly tolyq aqparatty OpenAlmaty qalalyq portalynda «2019-2020 jyldarǵa arnalǵan Almaty qalasynyń «Bıýdjetke qatysý»  pılottyq jobasyn uıymdastyrý degen bólimnen qarap, tanysýǵa bolady.

ALMATY