Aleksandr Vınokýrov atyndaǵy Sport saraıynda sala mamandary marapattaldy.
Oblys ákiminiń orynbasary Asqar Saqypkereev aımaq basshysynyń quttyqtaýyn jetkizdi. Shara barysynda sport sańlaqtarynyń jetistikterin baıandaıtyn beınefılm tamashalandy. Búginde tórtjúzden astam jerlesimiz elimizdiń qurama komandalarynda jaqsy óner kórsetip, bıyldyń ózinde ǵana úsh júzdeı medalǵa ıe boldy.
Dene shynyqtyrý men sportty damytýǵa qosqan eleýli úlesi jáne osy salada uzaq jylǵy eseli eńbegi úshin bir top azamatqa oblys ákiminiń qurmet gramotalary men alǵys hattary saltanatty túrde tabys etildi. Mamlıýt aýdany balalar men jasóspirimder sport mektebiniń jattyqtyrýshysy Harıs Mavlıýtov Mádenıet jáne sport mınıstrliginiń «Dene shynyqtyrý jáne sportty damytýdaǵy eńbegi úshin» tósbelgisimen, ardagerler Jambyl Tasemenov, Aleksandr Vınnıkov, Anatolıı Fedoroshın, Antonına Volkova «Qurmetti sport ardageri» medalimen marapattaldy.
Oblystyq halyq sporty oıyndardarynda eń úzdik nátıje kórsetken Qyzyljar, Ǵ.Músirepov jáne Shal aqyn aýdanynyń sportshylaryna kýbok pen gramotalar tabystaldy.
Shara merekelik konsertke jalǵasty.
Soltústik Qazaqstan oblysy