ULY JIBEK JOLY QAITA JAŃǴYRADY

Jańanyń bári burynǵy. “Ba­tys Eýropa - Batys Qytaı” av­tobany týraly da osylaı deýge bolady. О́ıtkeni, elimizdiń alys-berisi men barys-kelisin jan­dandyrý úshin salynyp jatqan kúrejoldyń silemi burynǵy Uly Jibek jolynyń boıymen ótedi. Sondyqtan bul ıgilikti isti jańa ǵasyrdaǵy jańa eldiń jańa Jibek joly, jańa saýda arnasy dep baǵalaýǵa ábden bolady. El­basy N. Nazarbaevtyń “Jańa on­jyldyq –jańa eko­no­mıkalyq órleý –Qazaqstannyń jańa múmkindikteri” dep atala­tyn bıylǵy Joldaýynda “Biz salýǵa kirisetin “Batys Eýropa-Batys Qytaı” avtojoly – taý­arlar tasymaly úshin mańyzdy magıstral” dep atap kórsetýi de osy oıymyzdy rastaı tússe kerek. Búginde osy batys-shyǵys kúrejolynyń 495,3 shaqyrymǵa sozylatyn jambyldyq bóligin belgilengen merzimde iske qosý úshin úlken daıyndyq júrgizi­lýde. Jumys aýqymy óte úlken. О́ıtkeni, avtoban boıynda úl­ken­­di-kishili 22 kópir, 15 jol ót­kizgish, 643 sý aǵar qurylystary qatar júrgiziledi. Jol jamyl­ǵysynyń qatty mándegi serpim­dilik qýaty 13 tonna salmaqqa eseptelgendikten bul da tehnıka men adam kúshterin qosqanda qomaqty qarjyny jáne materı­aldyq resýrstardy qajet etedi. Mysaly, mamandardyń esep­teýinshe oblys aýmaǵynan ótetin batys-shyǵys jolynyń qury­lysy úshin 17 mln. tonna qum, 3 mln. tonna sement, 34 myń ton­na bıtým jáne iri kólemde temir-beton buıymdary qajet eken. Dátke qýaty búginde Jambyl óńirinde 25 tas jáne 35 qumsha­ǵal jáne shaǵal karerleri men 15 asfalt-beton zaýyty jáne usaqtaǵysh-suryptaǵysh qondyr­ǵylar bar. “Qurylys qurastyr­maly zaýyty seriktestigi”, “Im­stalkon” AQ, “Jambyl metall qurastyrý zaýyty” fılıaly jáne “Tarkon” seriktestikteri me­tall qurastyrmalaryna degen suranysty óteı alady. Beton buıymdaryn ázirleıtin “Jam­bylhımstroı”, “Keramık ın­vest” jáne “Ǵımarat-Taraz” se­rik­testikteri sııaqty 20 shaqty ká­siporyn da “ǵasyr jolyna” at­salysýǵa daıyn. Búginde batys-shyǵys avto­jo­ly 11 bólimshege bólinip, tór­teýine tender ótip, merdiger kompanııalar anyqtaldy. Olarǵa tıisinshe aldyn-ala tólemder jasaldy. Jambyl oblysynda da jol salýda tájirıbe jınaqtaǵan iri kompanııalar bar. Olar da baǵyn synap kórmekshi. О́ıtkeni, jol sementti betonmen salynyp, nemis tehnologııasy qoldanyla­tyn­dyqtan mundaı kúrdeli ju­mysqa tájirıbesi mol, tehno­logııasy damyǵan áleýetti kompa­nııalar ǵana táýekel etedi. О́ńirde qurylys ındýstrııa­syn damytý jobasy boıynsha buǵan deıin birneshe iri sement zaýyttary iske qosylǵan bola­tyn. Onyń bıylǵy jyly paıda­lanýǵa beriletinderi de bar. De­mek, jol qurylysy úshin se­ment­ti de “alystan arbalaýdyń” qajeti joq. Búginde iri jobany júzege asyrý jolyndaǵy jumys­tar bastalyp ta ketti. Qazir oblysta jol salatyn aımaqtarǵa tehnıkalar jetkizilip, qurylys materıaldary ázirlenýde. Mer­diger kompanııalar 143 myń tekshe metr shaǵal daıyndap, 122 birlik tehnıka ákeldi. Jumysqa ázirge 375 adam kúshi tartylyp otyr. Almaty men Tarazdyń ara­syndaǵy oıylyp ketken asfalt joldan zárezap bolǵan júrgizý­shiler bizden “Jańa jol qashan bitedi eken?” dep suraıdy. Biz bul saý­aldy elimizdiń kólik ınfra­qurlymyn damytý komıteti ob­lystyq basqarmasynyń bastyǵy E. Júnisovke jetkizgenbiz. “Ba­tys Eýropa-Batys Qytaı” avto­banynyń Jambyl oblysynan ótetin bóligi 2012 jyldyń jel­toqsan aıynda paıdalanýǵa beriledi” dedi ol senimdi túrde. Endeshe, jolaýshyǵa jol bolsyn tilegen jolshy aǵaıyn­dar­dyń ju­my­syna tek qana sát­ti­lik ti­le­ı­ik, aǵaıyn. Kósemáli SÁTTIBAIULY, Jambyl oblysy.