Kezdesýde taraptar Elbasynyń «Bolashaqqa baǵdar: Rýhanı jańǵyrý» maqalasynda aıtylǵan mindetterdi iske asyrý jaıyn talqylap, elimizdiń bas gazetiniń 100 jyldyǵyna arnalǵan sharalar jaıly da sóz qozǵaldy.
Oqyrmanǵa senimdi aqparat taratýda alar orny bar salmaqty basylymnyń aldaǵy josparlarymen bólisken Darhan Qýandyquly gazettiń ǵasyrlyq toıy qarsańynda Alashtyń aıaýly azamattary Turar Rysqulov, Sultanbek Qojanovtyń týǵanyna 125 jyl tolýyna oraı, Shymkent qalasynda ǵylymı konferensııa ótkizýdi usyndy.
О́z kezeginde qala basshysy «Egemen Qazaqstan» gazetiniń mereıtoıymen quttyqtap, elimizdiń bas basylymynyń aldaǵy jumysyna sáttilik tiledi. Sonymen qatar ákim aıtylǵan usynystardy qoldaıtynyn jetkizdi.