Búgin, 23 tamyzda Almaty ákimi Baqytjan Saǵyntaev Jetisý aýdanynyń turǵyndarymen kezdesti.
Kezdesý kezinde qala basshysy «Jańa Almaty» baǵdarlamasy boıynsha megapolısti damytýdyń josparlarymen bólisti: aýdanda jańa emhana salynady, polısııanyń táýlik boıyna jumys jasaıtyn jyljymaly pýnkti bolady, 200 jańa avtobýs alynady, trolleıbýstar sany artady.
Qala ákimi túıtkil máseleni kóterdi, avtobýs júrgizýshileri biliktiliginiń tómen ekenin atap ótti.
Eńbekpen qamtý da kókeıkesti máseleniń biri. Ony sheshý úshin bıylǵy jyldyń qyrkúıek aıynan bastap jastardy jańa kásipterge baýlý josparlanǵan.
«Turǵyndar problemalaryn birtindep sheshetin bolamyz. Kúrdeliligine qaraı», dep atap ótti ákim.
Qala basshysy balalar men jastarǵa qatysty obektilerdi modernızasııalaýdy usyndy, olar: kitaphanalar, sport alańdary ári ár aýdanda oqýshylar saraılaryn ashý qajet. lmaty ákimi Baqytjan Saǵyntaev qalalyq máslıhat depýtattarymen kezdesýde qalanyń jarty jyldyq damýynyń nátıjesin qorytyndylap, keler jartyjyldyqtaǵy jospardy pysyqtady. Jıyn barysynda qala basshysy ońtústik astananyń damýynda basymdyq beriletin baǵyttardy atady.
Quzyrly organdardyń málimetine súıensek, barlyq salada oń dınamıka saqtalǵan. О́nerkásip, aýyl shaýarshylyǵy, qurylys, saýda, kólik, baılanys salalarynda qysqa merzimdi ekonomıkalyq ındıkator 104%-ǵa jetti. Investısııalar kólemi 8%-ǵa, ónerkásiptik óndiris 5,2%-ǵa, qurylys - 3,9%, baspana berý 2%ǵa artty. Bıyldyń ózinde 1 trln-ǵa jýyq salyq jınaldy. ShOB sýbektileriniń ónim óndirisi 9,8%-ǵa ósti. Birinshi jarty jyldyq qorytyndysy boıynsha JAО́ 3,5%-ǵa jetti.
Sondaı-aq, Baqytjan Saǵyntaev qalada sheshilmegen problema jetkilikti ekendigin aıtty.
«Almaty qalasy máslıhaty turaqty komıssııalarynyń alǵashqy birlesken otyrysyn ótkizdik. Qalalyqtardyń tabys deńgeıi men ómir súrý sapasyn arttyrý úshin júzege asyrylýy tıis kezek kúttirmeıtin mindetter men baǵyttar boıynsha ózimniń oı-pikirimdi ortaǵa saldym. Basty mindetter: laıyqty jalaqysy bar jumys oryndaryn ashý, birinshi kezekte qajet azyq-túlik ónimderiniń baǵasyn negizsiz ósirýge jol bermeý. Yqpal etý tetikterin jete anyqtaý úshin baǵa qoıý isine tereń saraptama júrgizýdi tapsyrdym. Kommýnaldyq qyzmetter tarıfteri de qatań baqylaýda. Sonymen qatar, qoǵamdyq qaýipsizdikti qamtamasyz etý, kásipkerlikti damytý, ekologııa men densaýlyq saqtaý máseleleri basty nazarda», - dep jazdy qala ákimi facebook-tegi paraqshasynda.
«Almatyny «Shetsiz qala» tujyrymdamasy boıynsha damytý negizgi tujyrymdama bolyp qala beredi. Shet aımaqta turatyndar ortalyqtyń turǵyndary sııaqty sapaly qyzmetterdi alýy tıis.
Qalanyń sheti men ortalyǵynyń arasyndaǵy aıyrmashylyqty azaıtý basty baǵyt. Shettegi halyq ortalyqtaǵy halyqtyń qoly jetip otyrǵan qyzmetterdiń bárin alýy tıis», - dep oı órbitedi ákim.
Sondaı-aq, shahar basshysy ortalyq aýdandardy jóndeýge 65 mlrd teńge, al shetki aýdandarǵa 15,5 mlrd teńge jumsalǵan. Olarda sý, gaz, kósheni jaryqtandyrý júıesi joqtyǵyn tilge tıek etken.
«Bizdiń maqsat jaqyn arada qalanyń shet aýdandaryndaǵy ómir sapasyn arttyrý. Jumys oryndaryn ashý, áleýmettik nysandar salý, ShOB sýbektilerin yntalandyrý», - dep jazady Baqytjan Saǵyntaev.
Jyl sońyna deıin qalany tolyq sý, gaz, jylýmen qamtý, aýlalardy abattandyrýdy aıaqtaý, mekteptegi oryn tapshylyǵyn sheshý kózdelgen.
Kezdesýge qatysqandardyń basym kópshiligi jeke ózderine ári jalpy aýdanǵa qatysty problemalardy kóterdi. B. Saǵyntaev olardy muqııat tyńdap, tıisti vedomstvalarǵa tapsyrmalar berdi.