Bıyl shet memlekettiń tirkeý nómirlerimen 50 myńǵa jýyq quqyqbuzýshylyq bolǵan. Elimizde Eýrazııalyq ekonomıkalyq odaqqa kirgen elderdiń avtokólikteri mindetti túrde ýaqytsha tirkeýden ótýi múmkin. Mundaı jańashyldyq sheteldik nómir taqqan temir tulparlardyń jıi jol kólik apatyn jasap, jaýapkershilikke tartylmaı jatqandyqtan jasalyp otyr. Bul týraly aqparat kolesa.kz portalynda jarııalandy.
Sebebi, Qazaqstanda Reseı, Armenııa, Qyrǵyzstan sekildi elderdiń kólik quraldarynyń derekter bazasy joq. Sondyqtan, polıseıler zań buzýshylyqty dereý anyqtaýǵa múmkindikteri bolmaı otyr. Al zańnamaǵa súıensek, jaýapkershilikke tartý merzimi quqyq buzylǵan ýaqyttan bastap eki aıdy quraıdy. Ol ýaqyt ótken soń jaýapkershilikke tartý múmkin bolmaıdy deıdi tártip saqshylary. Sondaı-aq, ýaqytsha tirkeý kezinde halyqqa qyzmet kórsetý ortalyqtaryna barýdyń qajeti joq. Atalǵan prosess onlaın júretindikten, ýaqytty únemdeıdi. Ázirge zańǵa túzetýlerdi qabyldaý dúıim elmen aqyldasqan soń qabyldanady.
Aıta keteıik, Ishki ister mınıstrliginiń dereginshe, byltyr shet memleketterdiń tirkeý nómirlerimen 42 myń quqyqbuzýshylyq, al jyl basynan beri 50 myńǵa jýyǵy tirkelgen.
ALMATY