Belgili qoǵam qaıratkeri, pýblısıst Seıdahmet Quttyqadammen áńgimelesý barysynda Qazaqstan Respýblıkasy Prezıdentiniń janyndaǵy Ulttyq qoǵamdyq senim keńesi jumysynyń ózekti aspektileri, atalǵan dıalog alańynyń elimizdiń áleýmettik-saıası ómirindegi róli talqylandy. Bul týraly Aqordanyń baspasóz qyzmeti habarlady.
Sonymen qatar, kezdesýde qazirgi ishki saıası ahýal jáne Ortalyq Azııadaǵy óńirlik úderister jóninde sóz boldy.
Qazaqstannyń Azamattyq alıansynyń prezıdenti Asylbek Qojahmetovpen ótken kezdesýde azamattyq qoǵamdy damytý, memlekettik organdar janyndaǵy qoǵamdyq keńesterdiń rólin arttyrý máseleleri talqylandy.
Memleket basshysy azamattyq sektordy nyǵaıtýdyń jáne onyń áleýetin ártúrli salada paıdalanýdyń mańyzdylyǵyn atap ótti.
Sonymen qatar, bilim jáne ǵylym salasyn jańǵyrtý, ýnıversıtetterdiń jańa róli men olardyń múmkindikterin ulttyq ekonomıkany reformalaý isine paıdalaný jóninde sóz boldy.
Prezıdent «Sakraldy Qazaqstan» ǵylymı-zertteý ortalyǵynyń jetekshisi Berik Ábdiǵalımen «Ulytaý-2019» halyqaralyq týrıstik forýmynda usynylǵan bastamalardyń iske asyrylý máselelerin talqylady. Sonymen qatar, elimizde etnotýrızmdi keńinen nasıhattaý qajettigine erekshe nazar aýdaryldy.