«Túrki álemi» festıvali Qostanaı oblysy ákimdigi men oblystyq mádenıet basqarmasynyń qoldaýymen ótip jatyr. Oǵan Almatydan «Hassaq» ansambli, О́zbekstannan, Qyrǵyzstannan, Bashqurtstannan óner ujymdary qatysýda. Festıvaldiń ashylý saltanatynda Oblystyq mádenıet basqarmasynyń basshysy Erlan Qalmaqov óner ujymdaryn quttyqtaı otyryp, tili de, túri de bir túrki jurty óneriniń de túp qaınary bir ekenin aıtty.
«О́tken aptada ǵana oblysta etnıkalyq teatrlar festıvali ótken edi, endi túrki jurty óneriniń festıvalin tamashalap otyrmyz. Festıval Elbasynyń «Rýhanı jańǵyrý» baǵdarlamasy aıasynda ótip otyr. Nursultan Nazarbaev taǵy da óziniń «Uly dalanyń jeti qyry» maqalasynda qazaq dalasyn túrki halyqtarynyń tal besigi dep erekshe ataǵan bolatyn. Túrki óneriniń qaýyshýy bárimizge de mereke», dedi Erlan Bolatuly.
Festıvalde ansamblder men orkestrler negizinen kóne saryndaǵy halyq mýzykasyn, halyq jáne kompozıtorlar ánderin oryndady. Festıval E.О́mirzaqov atyndaǵy oblystyq fılarmonııanyń jańa zalynda ótýde.
Qostanaılyqtar eki kúnge sozylǵan óner báıgesiniń búgin qorytyndy konsertin tamashalaıdy.
QOSTANAI