Keshe Almatydaǵy Dostyq úıinde «Qazaqstannyń úzdik áleýmettik jobalary» baıqaýynyń jeńimpazdary men qatysýshylaryn marapattaý rásimi ótti.
Bul konkýrs «Nur Otan» partııasynyń 2030 jylǵa deıingi «Ál-aýqat qoǵamy: onjyldyqtyń 10 maqsaty» baǵdarlamasynyń mindetterin júzege asyrý maqsatynda ótkizildi. Komıssııa quramyna «Nur Otan» partııasy, memlekettik organdardyń, úkimettik emes uıymdardyń ókilderi, múgedekter máseleleri boıynsha ákimniń keńesshisi kirdi.
Baıqaýǵa ÚEU, qoǵamdyq birlestikter, múgedekter uıymdary, halyqty áleýmettik qorǵaý júıesin damytýǵa baǵyttalǵan ózge de mekemeler men vedomstvolar qatysty.
Almaty qalasy Áleýmettik ál-aýqat basqarmasymen barlyǵy 14 ótinish qabyldandy.
«Mektepke jol» aksııasy balalardy qýantty.
Sonymen birge sol kúni «Nur Otan» partııasy Almaty qalalyq fılıaly tóraǵasynyń birinshi orynbasary S. Kankýrov jáne «Jan-M» JShS basshysy, Bostandyq aýdandyq fılıaly Saıası keńesiniń múshesi B. Jumabaev «Mektepke jol» aksııasy aıasynda az qamtylǵan jáne kópbalaly otbasylardan shyqqan balalarǵa jańa oqý jylyna arnap mektep qural-jabdyqtaryn tabystady.
Is-shara barysynda oqýshylarǵa qajetti qural-jabdyqtar onyń ishinde mektep formasy, sómkeler, dápterler, keńse taýarlary tabystaldy.
«Nur Otan» partııasy Almaty qalalyq fılıaly kóp balaly otbasylarǵa qoldaý kórsetý maqsatynda 3000-nan astam balaǵa mektepke qajet qural-jabdyqtarmen qamtamasyz etti.Atalmysh aksııada kóp balaly otbasylardyń syılyqtarǵa ıe bolǵan búldirshinder úılerine qýanyp qaıtty.
ALMATY