Birikken Ulttar Uıymynyń Bas hatshysy A.Gýtterısh «Iаdrolyq qarýsyz álem jáne jahandyq qaýipsizdik úshin Nazarbaev syılyǵyn» tabystaý rásimine qatysýshylarǵa vıdeoúndeý joldady. Vıdeoúndeýdi Tuńǵysh Prezıdent – Elbasy Nursultan Nazarbaevtyń baspasóz hatshysy Aıdos Úkibaı Twitter-degi paraqshasynda jarııalady.
«Men úshin Halyqaralyq ıadrolyq synaqtarǵa qarsy is-qımyl kúninde ótip jatqan saltanatty rásimde sóıleý úlken qurmet. Iаdrolyq synaqtardan bas tartý jáne ıadrolyq qarýdan azat álemdi qurý – Birikken Ulttar Uıymynyń joǵary basymdyqtarynyń biri. Qazaqstan bul máselede bizdiń basty qoldaýshylarymyzdyń biri boldy. Men Qazaqstannyń Tuńǵysh Prezıdenti Nursultan Nazarbaevqa salada atqarǵan jumysy men atalmysh syılyqty taǵaıyndaǵany úshin alǵysymdy bildiremin», dep aıtty Antonıý Gýterısh.