Nur-Sultan qalasy ákimdigi Arystaǵy 1467 turǵyn úıdi qalpyna keltirý jumystaryn júrgizip jatyr. Atalǵan sannyń 642-si jeke úıler bolsa, qalǵan nysandar kóp páterli turǵyn úı qatarynda. Bul turǵyn úılerde 750 den astam páter bar. Bul týraly qala ákimdiginiń resmı saıty habarlady.
Búginde 536 jóndeýdi qajet etetin nysannyń 215 nysany tolyq kúrdeli jóndeýden ótkizilip, qalpyna keltirildi. Qalǵan nysandarda kúrdeli jóndeý jumystary 90 paıyzǵa aıaqtaldy. Atalǵan jumystarǵa 34 qurylys fırmasy, 1400 maman jumyldyrylǵan.
«Nur-Sultan qalasy ákimdigine júktelgen 699 nysannyń 500 den astamyna jóndeý jumystaryn júrgizse, qalǵan taǵy 163 úıdi qurylysshylar nólden bastap turǵyzýda. Búginde qurylys jumystary qyzý júrgizilýde» - dedi qala ákiminiń orynbasary Altynbek QAISAǴALIEV.
Alǵashqy kúnnen bastap arnaıy qurylǵan shtabqa ótinish pen óz máselesin aıtyp keletin turǵyndar kóp. Mamandar barlyǵymen jeke tildesip, máseleniń túıinin sheshýge tyrysýda.
«Biz sanǵa emes, sapaǵa jumys jasap jatyrmyz. Ár bir úı men nysannyń qurylys jumystary tyńǵylyqty jasalyp, qurylysshylar óz jumysyn asa jaýapkershilikpen atqarýda» - dedi jarys bolǵan aımaqtan «Qalalyq orta sapasy jáne baqylaý basqarmasy» MM-niń jetekshisi Tólegen QULUShEV.
Onyń sózinshe, qalpyna keltirý jumystary jospar boıynsha júrgizilýde. Qurylysshylar aldymen úıdiń shatyryn, terezesi men esigin aýystyryp, sonan soń úıdiń ishki qurylys jumystaryna ótedi. Bul turǵyndarǵa óz úıine jyldam kóshýine múmkindik beredi.
Qurylys jumystary tolyǵymen qazan aıyna deıin bitedi dep josparlanýda.