Smart Astana mobıldi qosymshasynda qaıyrymdylyq uıymdarynyń kraýdfandıngtik platformasy iske qosyldy. Bul týraly Nur-Sultan qalasy ákiminiń orynbasary Malıka Bekturova óziniń telegram kanalynda (https://t.me/MBekturova) habarlady. Bul týraly qala ákimdiginiń resmı saıty habarlady.
«Qazir qaıyrymdylyq uıymdarynyń kraýdfandıngtik platformasyn iske qostyq. Sizder tez ári qaýipsiz túrde qaıyrymdylyq jobalarynyń esebine sadaqa bere alasyzdar», dep jazdy Malıka Bekturova.
Sondaı-aq, onyń aıtýynsha, Smart Astana qosymshasynda 70-ten astam servıs pen qyzmet bar. Bul baǵdarlamanyń kómegimen dárigerdiń qabyldaýyna jazylyp, ony úıge shaqyryp, óziniń salyqtyq mártebesin, densaýlyǵyna baılanysty jumysqa ýaqytsha jaramsyzdyǵy týraly anyqtamanyń túpnusqalyǵyn tekserýge jáne t.b. isteýge bolady.
Jańa oqý jylynyń aldynda Smart Astana boıaýlary daıyn boldy. Endi elordanyń sıfrlyq múmkindikteri týraly sýretti boıaý arqyly bilýge bolady. Ony júkteý tegin, buǵan qosa olar balabaqshalar, mektepter, saýda ortalyqtary, emhanalar, aýrýhanalar jáne t.b. jerlerde qoljetimdi bolady.